ەلوردادا بالاباقشاداعى بوساعان 15 مىڭ بوس ورىنعا بوبەكتەردى قابىلداۋ جۇرگىزىلەدى

نۇر-سۇلتان. قازاقپارات- جازدىڭ ءبىرىنشى كۇنى ەلورداداعى بارلىق بالاباقشا شتاتتىق رەجيمدە جۇمىس ىستەيتىن بولادى، دەپ حابارلايدى «حابار 24».

مەكتەپكە باراتىن بالالار تىزىمنەن شىعارىلاتىندىقتان، 15 مىڭ ورىن بوسايدى. 10 - ماۋسىمنان باستاپ وسى بوس ورىندارعا بوبەكتەردى قابىلداۋ جۇرگىزىلەدى.

قالالىق ءبىلىم باسقارماسىنىڭ باسشىسى شولپان قادىروۆانىڭ ايتۋىنشا، ورىنداردىڭ 13,5 مىڭى مەملەكەتتىك جانە جەكەمەنشىك بولسا، قالعانى شاعىن ورتالىقتاردا قاراستىرىلىپ وتىر. كەستە bilim.astana.kz سايتىندا جاريالاناتىن بولادى. ازىرگە تاربيە وشاقتارىنداعى كەزەكشى توپتار جۇمىس ىستەپ تۇر.

شولپان قادىروۆا، نۇر- سۇلتان قالاسى ءبىلىم باسقارماسىنىڭ باسشىسى:

- 18- مامىردان باستاپ مەنشىك تۇرىنە قاراماستان، بارلىق تاربيە وشاقتارى سانيتارلىق- دەزينفەكسيالىق رەجيمدى ساقتاي وتىرىپ، ءوز جۇمىسىن باستادى. الدىمەن بالاسىن ۇيدە قالدىرۋعا مۇمكىندىگى بولماعان اتا- انالار ءۇشىن كەزەكشى توپتار ىسكە كىرىستى. قازىر بالاباقشالارعا 4134 بالا كەلىپ ءجۇر. بۇل - جالپى تاربيە الۋشىلاردىڭ % 7,4- ءى.

www.24.kz