جانىبەك ءالىمحان ۇلى ۇزدىك 15 بوكسشىنىڭ قاتارىنا ەندى

نۇر-سۇلتان. قازاقپارات - ەكى تيتۋل ءۇشىن ايقاستا قارسىلاسىن نوكاۋتقا جىبەرگەن قازاقستاندىق كاسىپقوي بوكسشى جانىبەك ءالىمحان ۇلى (8-0، 4 ك و) WBC رەيتينگىندە ءوز كورسەتكىشىن جاقسارتتى، دەپ حابارلايدى قازاقپارات ءتىلشىسى.

«قازاقستان كاسىپقوي بوكسىنىڭ» الەۋمەتتىك جەلىدەگى پاراقشاسىندا حابارلانعانداي، جانىبەك ورىندار تۋرالى ءتابىل رەليزىندە 16-ورىننان 15- ورىنعا كوتەرىلگەن. ديۆيزيونداعى ۇزدىك بوكسشىلاردىڭ ۇشتىگىندە امەريكالىق دەنيەل دجەيكوبس، پولياك كاميل شەرەمەتا مەن ۋكراينالىق سەرگەي دەريەۆيانچەنكو تۇر.

ەسكە سالا كەتسەك، وتكەن اپتادا جانىبەك ءالىمحان ۇلى كانادالىق بوكسشى البەرت ونولۋنوستى نوكاۋتپەن جەڭگەن بولاتىن.

وسىلايشا، 26 جاستاعى قازاقستاندىق بوكسشى ءوزىنىڭ ورتا سالماقتاعى WBC Continental Americas تيتۋلىن قورعاپ قالدى.