09:18, 10 - قازان 2019 | GMT +6
بيىل ەلىمىزدە قىلمىس 15 پايىزعا ازايدى – ىشكى ىستەر ءمينيسترى
نۇر-سۇلتان. قازاقپارات - نۇرسۇلتان نازاربايەۆ ىشكى ىستەر ءمينيسترى ەرلان تۇرعىمبايەۆتى قابىلدادى، دەپ حابارلايدى ەلباسىنىڭ رەسمي سايتى.
كەزدەسۋ بارىسىندا قاۋىپسىزدىك كەڭەسىنىڭ ءتوراعاسىنا ەلدەگى قىلمىستىق احۋال جانە مينيسترلىكتىڭ قۇقىقتىق ءتارتىپتى قامتاماسىز ەتۋ بويىنشا قابىلداعان شارالارى تۋرالى اقپارات ۇسىنىلدى.
ىشكى ىستەر ءمينيسترىنىڭ مالىمەتى بويىنشا، 2019 -جىلى قىلمىس %15 تومەندەگەن. اۋىر قىلمىستاردى اشۋ دەڭگەيى %77,5 قۇراسا، اسا اۋىر قىلمىستار بويىنشا كورسەتكىش - %88.
سونىمەن قاتار، ە. تۇرعىمبايەۆ ەلباسىنا ىشكى ىستەر ورگاندارىن رەفورمالاۋ اياسىندا پوليتسياعا حالىقتىڭ سەنىمىن ارتتىرۋ جونىندەگى شارالاردى ىسكە اسىرۋ بارىسى تۋرالى مالىمەت بەردى.