سوزاق اۋدانىنىڭ باعباندارى وسىرگەن قاربىز سالماعى 15 كەلىدەن اسىپ تۇسەدى
ياعني بيىلدان باستاپ شارۋالار قاۋىن- قاربىزىن شەتەلگە ساۋدالاماق. سوزاق اۋىلىنداعى جەر ەمگەن ديقاندار بيىل جالپى 107 گەكتار اۋماققا باقشا ونىمدەرىن وتىرعىزىپتى. ونىڭ 40 گەكتارىنا قاۋىن ەگىلسە، 66 گەكتاردان استام جەرگە قاربىز كوشەتى وتىرعىزىلعان. ماسەلەن، اۋدانداعى 3 شارۋا قوجالىعى بىرىگىپ، بيىل 600 توننادان استام ءونىمدى ەكسپورتقا شىعارماق.
ال وتكەن جىلى ءبىر عانا سەرىكتەستىك 10 گەكتار جەرىنەن 250 توننا ءونىم الىپ، ونى ازعانتاي كولەمدە شەتەلگە جىبەرىپ كورىپتى.
«تاپقان تابىس تا كول- كوسىر بولعان ەدى» دەيدى شارۋالار. ايتا كەتەيىك، سوزاق اۋدانىنىڭ تابيعاتى وڭتۇستىكتە ورىن تەپكەنىمەن ەرەكشە. قىسى قاتال ايماقتا نەگىزىنەن تۇرعىندار مال شارۋاشىلىعىمەن اينالىسادى. تۇيە باعىپ، ونىڭ ءسۇتىن وندىرەدى. ال باۋ- باقشا ۇستاپ، ودان ءونىم الىپ ەكسپورتتاۋ اۋدانعا باعباندارىنا جاڭالىق بولىپ وتىر.
باتىرحان اياپوۆ، سوزاق اۋىلى وكرۋگىنىڭ اكىمى:
- مىنا 3 شارۋاقوجالىق بىرىگىپ، 600 توننادان اسا ءونىمدى ەكسپورتقا شىعارامىز دەپ وتىرمىز. ەندىگى 2020 -جىلعا تاعى 3 شارۋا قوجالىعى قوسىلايىن دەپ جاتىر. قاربىزدى ەكسپورتقا شىعارىپ، جاقسى كورسەتكىشتەرگە جەتىپ جاتىرمىز. نەگىزىنەن رەسەيگە بارادى. سوسىن ءوزىمىزدىڭ قازاقستاننىڭ ىشىنە، سولتۇستىك وڭىرلەرگە بارىپ جاتىر.
www.24.kz