+7 (701) 759 90 19
0 °С : نۇر-سۇلتان
18 °С : الماتى
USD 389.59 EUR 429.06
RUB 6.05 CNY 55.07
جاڭالىقتار

سابىندى پايدالانۋدىڭ 15 ءتۇرلى ءادىسى

18 ءساۋىر 19:08
:ءبولىسۋ

نۇر-سۇلتان. قازاقپارات - سۇيىق سابىندى قولدانعاندى ۇناتساڭىز دا، بۇرىننان كەلە جاتقان قۇرعاق سابىننان باس تارتپاڭىز.

ونى پايدالانۋدىڭ ءتۇرلى ءادىسىن بىلسەڭىز، دۇكەن سورەسىنەن ونى دا سەبەتىڭىزگە سالا كەتەرىڭىزگە سەنىمدىمىز. ءتىپتى، سۇيىق سابىن ساتىپ الماي-اق، ونى كادىمگى قۇرعاق سابىننان دايىنداپ الۋىڭىزعا بولادى.

ول ءۇشىن ءوزىڭىز ۇناتاتىن، ءيىسى جاعىمدى سابىن بولسا جەتكىلىكتى. كادىمگى سابىندى پايدالانۋدىڭ 15 ءتۇرلى ءادىسى كادەڭىزگە جاراسىن.

1. اشىلماي قالعان تارتپالار مەن سىرعىما ەسىكتەرگە پايدالانىڭىز

تارتپا نەمەسە سىرعىما ەسىكتەر دۇرىس اشىلماي قينالىپ تۇرساڭىز، سابىن كومەككە كەلەدى. سابىن كەسەگىمەن تارتپانىڭ نەمەسە ەسىكتىڭ سىرعىتپاسىن ۇيكەلەپ جىبەرىڭىز، وپ- وڭاي اشىلىپ كەتەدى.

2. كيىم سالاتىن شكاف، شابادان جانە اۆتوكولىكتىڭ ىشىندەگى جاعىمسىز يىستەن قۇتىلىڭىز

ءيىسى جۇپار سابىن كەسەگىن ءبىر جاپىراق ماتاعا وراپ، شكافقا، شابادانعا، ءتىپتى اۆتوكولىكتىڭ ىشىنە قويىپ قويىڭىز. اشقان سايىن سابىننىڭ جۇپار ءيىسى اڭقىپ، سەرگەكتىك سەزىلىپ تۇراتىن بولادى. مۇنى ءيىسى مۇڭكىپ تۇرعان باتەڭكەگە دە سالىپ قويساڭىز ارتىق بولمايدى.

3. جيھاز جيناۋدى وڭايلاتىڭىز

ەگەر اعاش شەبەرى بولساڭىز، ءيا بولماسا IKEA- نىڭ كىتاپ سورەسىن ءوزىڭىز جيناپ كورمەككە بەل بايلاساڭىز، وندا بۇرانداعى اعاشقا كىرگىزۋ دە وڭاي شارۋا ەمەس. سول كەزدە جۇمىسىڭىزدى جەڭىلدەتۋگە سابىن كومەكتەسە الادى. بۇراندانى جەڭىل بۇراپ كىرگىزۋ ءۇشىن سابىن جاعىپ كورىڭىز. ال قالعان سابىن كەسەگىمەن اعاشتى جىلدام كەسۋ ءۇشىن ارانىڭ ءجۇزىن سۇرتسەڭىز بولادى.

4. قابىرعانى تەگىستەۋگە دە كەرەك

قابىرعاداعى سۋرەتتى الىپ تاستاعاننان كەيىن، شەگەنىڭ ورنى قالسا وندا قابىرعا تۇسىنە سايكەس كەلەتىن سابىن كەسەگىن الىپ، ساڭىلاۋعا ۇيكەلەڭىز. كەلەسى جوندەۋ جۇمىسى باستالعانشا ساڭىلاۋ سىزگە كەدەرگى بولمايدى.

5. بوياۋدان تەز ارىلىڭىز

تەرەزە جاقتاۋلارىن سىرلاۋ كەرەك بولسا، وندا اينەكتى سابىن كەسەگىمەن ۇيكەلەپ، ءسۇرتىپ قويىڭىز. سول كەزدە اينەككە شاشىراعان بوياۋدى ءسۇرتىپ الۋ ەش قيىندىق تۋدىرمايدى. ءارى بۇل اينەككە جاپسىرعىش جابىستىرىپ قويعاننان الدەقايدا وڭاي ءادىس.

6. قۇلپىنى اشۋعا پايدالانىپ كورىڭىز

ەگەر ەسىكتىڭ قۇلپىسى اشىلماي، قاتىپ قالسا، وندا كىلتتى سابىننىڭ بەتىنە ءارلى-بەرلى ۇيكەلەڭىز. سودان كەيىن ونى قۇلپىنىڭ ساڭىلاۋىنا سالىپ، قايتا شىعارىپ، بىرنەشە رەت قايتالاڭىز. ەندى قۇلپىنى وڭاي اشۋعا بولادى.

7. اينا مەن كوزىلدىرىكتى بۋلانۋدان دا قورعايدى

ىستىق دۋشقا تۇسكەننەن كەيىن اينانىڭ بۋلانىپ كەتكەنىن ۇناتپاساڭىز، كومەككە تاعى دا سابىن كەلەدى. اينا تولىق كەپكەن كەزدە، سابىن كەسەگىمەن اينانى بەتىپ ءسۇرتىڭىز. بۇل كەزدە سابىنعا ەشقانداي سۋ تيگىزبەگەن ابزال، ياعني قۇرعاقتاي ءسۇرتۋ كەرەك. كەلەسى جول دۋشقا تۇسكەن كەزدە ايناڭىز جارقىراپ تۇرادى. بۇل ءادىستى كوزىلدىرىك پەن كۇننەن قورعايتىن كوزىلدىرىككە دە پايدالانۋعا ابدەن بولادى.

8. ەسىكتىڭ شيقىلىنان ارىلىڭىز

سابىننىڭ ءبىر كەسەگى ەسىكتىڭ شيقىلىن باسادى. ول ءۇشىن قۇرعاق سابىندى شيقىلداپ تۇرعان توپساعا جاعىپ، تەكسەرىپ كورىڭىز. قاجەت بولسا تاعى قايتالاپ جاعىڭىز.

9. تەسىلگەن جەردى وڭاي انىقتاڭىز

دوڭگەلەكتىڭ نەمەسە سۋعا تۇسەتىن ۇرلەمەلى باسسەيننىڭ قاي جەرى تەسىلگەنىن انىقتاي الماي جاتساڭىز، سابىن كەسەگىن سۋلاپ الىپ، ءوزىڭىز كۇماندانىپ تۇرعان جەرلەردى ۇيكەلەڭىز. اۋا شىققان كەزدە سول جەردەن سابىن كوپىرشىگى پايدا بولادى. مۇنداي ءادىستى گاز قۇبىرىنىڭ دا تەسىلگەن جەرىن انىقتاۋ ءۇشىن قولدانۋعا بولادى.

10. قولىڭىزدى تازالاۋدى جەڭىلدەتىڭىز

باقشادا جۇمىس ىستەر الدىندا نەمەسە اۆتوكولىكتىڭ مايلى جوندەۋ جۇمىستارىنا كىرىسپەس بۇرىن تىرناعىڭىزعا سابىن جاعىپ الىڭىز. سابىن تىرناعىڭىزدىڭ اراسىنا كىر نەمەسە مايدىڭ كىرىپ كەتۋىنەن قورعايدى، ءارى جۇمىستان كەيىن قولىڭىزدى تازالاۋ دا وڭاي بولماق.

11. باۋ-باقشا وسىمدىكتەرىن قورعاڭىز

سابىن كەسەگىن بۇتالارعا ءىلىپ قويىڭىز نەمەسە ونى قاتتى توپىراققا ۇيكەلەڭىز. بۇل باقشا وسىمدىكتەرىن زيانكەستەردەن قورعايدى. سابىندى ءىلۋ ءۇشىن تورلى قاپتى نەمەسە ەسكى كاپرون شۇلىقتى پايدالانۋعا بولادى. دىمقىلدانعان سابىن كەسەگىمەن ءۇي وسىمدىكتەرىنىڭ تومەنگى ساباقتارىن ازداپ ۇيكەلەپ قويساڭىز، ولارعا بىتە تۇسپەيدى.

12. قازان تازالاۋ وڭاي بولسىن

تابيعات اياسىنا شىعىپ، داستارحان جايعان كەزدە اشىق وتقا قويماس بۇرىن شويىن نەمەسە اليۋمينيي قازاننىڭ تۇبىنە سابىن جاعىپ قويساڭىز، كەيىن ونىڭ كۇيەسىن تازالاۋ وڭاي بولادى.

13. سىدىرما تەز جابىلسىن دەسەڭىز

قۇرعاق سابىندى سىدىرمانىڭ تىستەرىنە ۇيكەلەسەڭىز، سىدىرما تەز جابىلادى.

14. تىگۋدى جەڭىلدەتكىڭىز كەلسە

تىگۋدى جەڭىلدەتكىڭىز كەلسە، كيىمنىڭ ەتەگى مەن تىگىس سىزىقتارىن بەلگىلەۋ ءۇشىن سابىندى پايدالانىڭىز. ال ءبىر سابىننىڭ سىرتىن ادەمى شۇبەرەكپەن قاپتاپ، ينە مەن تۇيرەۋىشتەردى سوعان قاداپ قويساڭىز، ولارمەن تىگىن تىگۋ جەڭىل بولادى.

15. سۇيىق سابىندى ءوزىڭىز جاساپ الىڭىز

اقشاڭىزدى ۇنەمدەپ، سۇيىق سابىندى ءوزىڭىز جاساپ الىڭىز. ول ءۇشىن قۇرعاق سابىندى ۇككىشتەن وتكىزىپ (ارنايى ۇككىش دايىنداپ قويساڭىز دا بولادى)، سابىن ابدەن ەرىگەنشە قايناق سۋمەن ارالاستىرىپ، ارنايى ىدىسقا قۇيىپ قوياسىز. سۇيىق سابىن دايىن.


باستى سوزدەر: قوعام,
:ءبولىسۋ

اأتور:

novasa

پئكئر قالدئرؤ
+7
جئبةرؤ
ونلاين قىزمەتكەرلەر
رەداكتور
باقىتجول كاكەش
باقىتجول كاكەش
954-049
رەداكتور
ريزابەك نۇسىپبەك
ريزابەك نۇسىپبەك
954-049
رەداكتور
بەيسەن سۇلتان
بەيسەن سۇلتان
954-049

مۇراعات