نوكاۋتشى ايدوس ەربوسىن ۇلى ءۇش تيتۋل ءۇشىن 15 رەت جەڭىسكە جەتكەن بوكسشىمەن ايقاسادى

استانا. قازاقپارات - قازاق بوكس مەكتەبىنىڭ تۇلەگى ايدوس ەربوسىن ۇلى (10-0، 8 ك و) 24- ناۋرىز كۇنى الماتىدا WBA Intercontinental, WBC Asia جانە WBO Global بەلبەۋلەرى ءۇشىن جەكپە-جەك وتكىزەدى، دەپ حابارلايدى قازاقپارات Sports.kz-كە سىلتەمە جاساپ.

كاسىپقوي بوكسشىنىڭ مۇددەسىن قورعايتىن Suleimen Promotions كومپانياسى تاراتقان اقپاراتقا سەنسەك، ايدوسقا «تالقانداۋشى» (Demolisher) دەگەن اتپەن تانىلعان ناميبيالىق بوكسشى لۋكاس ندافولۋما (15-1، 6 ك و) قارسىلاس بولادى.

ەسكە سالا كەتەيىك، ماسكەۋدىڭ «كرىليا سوۆەتوۆ» سپورت كەشەنىندە وتكىزگەن سوڭعى جەكپە-جەگىندە ايدوس بەلگيالىق يلياس اچەرگۋيدى (12-4-1، 6 ك و) جەڭىپ، WBO Global بەلبەۋىن يەلەنگەن بولاتىن.