جاپونيا تۋرالى قىزىقتى 15 دەرەك

None
None
 استانا. قازاقپارات - جاپونيا تاڭعاجايىپ ەل. بۇل مەملەكەتتە ادامدار ءجۇز جىلدان استام ءومىر سۇرەدى جانە بالالاردىڭ ورنىنا ءۇي جانۋارلارىن اسىراپ، جۇمىس ورنىندا ۇيىقتاي بەرەدى.

1. جاپونيا قۇرامىندا  6800 دەن استام ارال بار. ولاردىڭ ىشىندەگى ەڭ ۇلكەنى - حوككايدو، حونسيۋ، سيكوكۋ جانە كيۋسيۋ.

2. جاپونيادا 100 جىلدىق مەرەيتويىن اتاپ وتكەن 50 مىڭنان استام ادام ءومىر سۇرەدى. ەلدە ءومىر ءسۇرۋ ۇزاقتىعىنىڭ ەڭ جوعارى دەڭگەيى - 83,7 جاس.

3. جاپونيا الەمدەگى ەڭ جىلدام پويىزداردىڭ ءبىرى قاتىنايدى. ولاردىڭ كەستەدەن اۋىتقۋى ادەتتە 18 سەكۋندتان اسپايدى. سونىمەن قاتار، ماگنيتتى كوپشىكتەگى پويىز جىلدامدى 603 ك م / ساع دەيىن كوبەيتۋگە قابىلەتتى. بۇل ابسوليۋتتى رەكورد.



4. جاپونيادا جىل سايىن شامامەن 1,5 مىڭ جەر سىلكىنىسى بولادى. ەلدىڭ بۇكىل تاريحىنداعى ەڭ جويقىن سىلكىنىستەردىڭ ءبىرى 2011 -جىلدىڭ ناۋرىزىندا بولعان ەدى. سول جىلعى جەر سىلكىنىسى 15869 ادامنىڭ ولىمىنە الىپ كەلگەن سۋناميدى كوتەردى.

5. جاپونيادا بالالارعا قاراعاندا ءۇي جانۋارلارى كوپ. ەلدەگى جۇندەس جانۋرلار سانى 19,8 ميلليونعا جەتسە، دەموگرافتاردىڭ ەسەپتەۋى بويىنشا، بالالار سانى 15,9 ميلليونعا جەتكەن.

 6. جاپونياداعى ۇيالى تەلەفونداردىڭ %90 سۋ وتكىزبەيدى. سەبەبى، جاستار ولاردى ءتىپتى دۋشتا دا قولدانادى.

7. جاپونيادا ءتورتبۇرىشتى قاربىز وسىرىلەدى. بۇل ءپىشىن جەمىستى قاپتاۋ جانە تاسىمالداۋ پروتسەسىن ايتارلىقتاي جەڭىلدەتەدى.

8. جاپوندىقتار قوعامدىق ورىنداردا، ءتىپتى جۇمىس ورنىندا ءجيى ۇيىقتايدى. بۇل تاجىريبە ينەمۋري دەپ اتالادى. ءبىر قىزىعى، باسشىلار قول استىنداعى قىزمەتكەرلەرى كومپيۋتەرگە بۇكشيىپ ۇيىقتاپ جاتسا ەسكەرتۋ جاسامايدى ەكەن. ويتكەنى، ولار اۋىر جۇمىستان زورىققان دەپ ەسەپتەلەدى.

9. جاپونيا مەن رەسەي كۋريل ارالدارىنىڭ يەلىگىنە قاتىستى داۋدى ءالى شەشپەدى. بۇل پىكىرتالاس ەكىنشى دۇنيەجۇزىلىك سوعىس اياقتالعاننان بەرى 70 جىلدان استام ۋاقىت بويى جالعاسۋدا.



10. جاپونيانىڭ وساكادا قالاسىندا اۆتوموبيل جولى وتەتىن عيمارات بار. 16-قاباتتى بيزنەس ورتالىعى Gate Tower Building دەپ اتالادى. بۇل عيماراتتى سالۋ تۋرالى شەشىم قابىلدانعان كەزدە، وندا جول بار بولعان بولاتىن. سوندا جەردەگى تابىستى جوعالتپاۋ ءۇشىن، ماگيسترالدى عيمارات ارقىلى جىبەرۋ تۋرالى شەشىم قابىلداندى.

11. 1 ميلليونعا جۋىق جاپوندىق حيكيكومور، ياعني قوعامدىق ومىردەن ءوز ەركىمەن باس تارتقان ادامدار. ولار ءارتۇرلى جەكە جانە الەۋمەتتىك سەبەپتەردى باسشىلىققا الا وتىرىپ، جالعىزدىقتى تاڭداپ ءومىر سۇرەدى.

12. جاپونيانىڭ ەڭ ۇلكەن دياسپوراسى برازيليادا تۇرادى. وندا شامامەن 1,5 ميلليون ادام بار. ولاردىڭ جاپپاي قونىس اۋدارۋى 19 - عاسىردىڭ سوڭىندا جاپونيا حالقىنىڭ كوپتىگىنەن باستالعان بولاتىن.

13. جاپونياداعى كوشەلەردىڭ كوبىنە ەشقانداي اتاۋ بەرىلمەگەن. وندا مەكەن- جاي رەتىندە كۆارتالداردىڭ سانى قولدانىلادى.



14. جاپونيادا قويانداردىڭ ارقاسىندا تانىمال بولعان وكۋنوسيما دەگەن ارال بار. مۇندا 700 باستان اسا قويان تىرشىلىك ەتەدى. بۇل جانۋارلار جابايى بولعانىمەن، ولار كوشەلەردە ەركىن ءجۇرىپ، ءتىپتى ادامدارمەن بايلانىس جاسايدى. بۇل ەرەكشەلىكتىڭ ارقاسىندا وكۋنوسيما قوياندار ارالى دەپ اتالا باستادى.

15. جاپونيا كورەيا، تايلاند جانە ليبەريادان باسقا ەشقاشان ەۋروپالىق كولونيالار بولماعان ءتورت زاماناۋي ەلدەردىڭ ءبىرى.

Stan.kz

سوڭعى جاڭالىقتار