جۇپتىڭ اراسىنا جىك سالاتىن 15 سەبەپ
باقىتتى وتباسى - ءوزارا تۇسىنىستىك پەن سىيلاستىققا نەگىزدەلگەن ەڭبەك. الايدا ءبارىن ءبۇلدىرۋ وپ-وڭاي. سونىمەن نازارلارىڭىزعا جۇبايلاردىڭ شىرقىن بۇزاتىن 15 سەبەپتى ۇسىنىپ وتىرمىز.
1. ءبىرىن-ءبىرى وزگەرتۋگە ۇمتىلۋ
ءمىنسىز ادام بولمايدى. ءبىراق كىسىنىڭ ادەتتەرى مەن مىنەز ەرەكشەلىكتەرىن شاتاستىرماعان ءجون. ادام بويىندا قانشا كىنالاساڭ دا وزگەرمەيتىن نارسەلەر بولادى. سوندىقتان ءار جەرگە تاستالعان شۇلىق (ادەت)، بەسىنشى رەت جوعالعان قولشاتىر (ۇمىتشاقتىق) ءۇشىن جۇيكەڭىزدى توزدىرماڭىز.
2. اتا-انامەن قارىم-قاتىناس
ەگەر جۇبايىڭىزدىڭ اتا-اناسىمەن جاقسى قارىم- قاتىناستا بولساڭىز، تىپتەن جاقسى. الايدا كەلىنىن نە كۇيەۋ بالاسىن ءوز بالاسىنداي جاقسى كورەتىن اتا-انا سيرەك. بۇنداي جاعدايدا ولارمەن مۇمكىندىگىنشە جىلى قارىم-قاتىناستا بولۋعا تىرىسىڭىز. ويتكەنى قانشا دەگەنمەن ۇلكەندەردى قۇرمەتتەيتىن حالىقپىز عوي.
3. قالتا تەلەفونى
تەحنيكا دامىعان قازىرگى زاماندا عالامتور مەن قالتافون ادامداردىڭ قارىم-قاتىناسىن سالقىنداتىپ وتىر. جۇبايىمىزبەن شۇيىركەلەسەتىن ۋاقىتتى ءبىز عالامتوردا وتىرىپ، تەلەفونمەن سويلەسۋمەن، SMS جولداۋمەن وتكىزەمىز. الايدا، جان جارىڭىزدان قىمبات ەشكىمنىڭ جوق ەكەندىگىن ۇمىتپاعايسىز.
4. جۇرتتىڭ كوزىنشە ۇرىسىپ، كىنا تاعۋ
قوعامدىق ورىنداردا، كوپشىلىكتىڭ كوزىنشە ەشقاشان ۇرىسۋشى بولماڭىزدار. بۇل - سىزدەردىڭ جەكە شارۋالارىڭىز. سوندىقتان ەكەۋارا تۋىنداعان ماسەلەنى ەكەۋىڭىز جەكە قالعاندا عانا شەشىڭىز.
5. ۇنسىزدىك
ەشكىم ءسىزدىڭ ويىڭىزدى وقي المايدى. ءتىپتى سۇيەتىن ادامىڭىز دا. قاندايدا ءبىر تۇيتكىل بار ما ؟ ءبىر نارسە ۇناماي ما؟ ايتىڭىز. جاقسى دا، جامان دا ەموتسيانى سىرتقا شىعارۋ - پسيحولوگيالىق ساۋلىق كەپىلى.
6. قىزعانىش
ءبىرى: «قىزعانىش - ماحاباتتىڭ بەلگىسى» دەسە، ءبىرى: «بۇل مەنمەندىك - جانە سۇيگەن ادامىڭدى سىيلاماۋ» دەيدى. نە دەسەك تە، قىزعانىش سەزىمىنەن ەركەك تە، ايەل دە زارداپ شەگەدى: ءبىرىنىڭ كۇدىكتەن ءىشى كۇيسە، ەكىنشىسى وزىنە دەگەن سەنىمنىڭ جوقتىعىنان قينالادى. بۇنى قالاي جەڭبەكپىز؟ جاي عانا ادال بولىڭىز. قىزعانىش تۋدىراتىن جاعدايلاردان اۋلاق ءجۇرىڭىز، ءوزىڭىز دە قىزعانباڭىز.
7. 24 ساعات بويى بىرگە بولۋ
ادام پسيحولوگيالىق-فيزيولوگيالىق تۇرعىدا ارا-تۇرا جالعىزدىقتى قاجەت ەتەدى. جۇبايىڭىزبەن جابىسىپ قالماڭىز. كەرىسىنشە قانشالىقتى از كورىسسەڭىزدەر، كەزدەسۋلەر سونشالىقتى ىستىق بولماق.
8. وتىرىك ايتۋ
وتىرىك سۋ سەكىلدى ەڭ مىقتى دەگەن ءۇيدىڭ ىرگەسىن ءشىرىتىپ، شايقالتۋى مۇمكىن.
9. ماقساتتار
ءارى قاراي نە بولماق؟ ءبىزدىڭ قارىم - قاتىناسىمىز نەگە الىپ كەلەدى؟ جۇبايىڭىزدىڭ ماقساتتارى ءسىزدىڭ ماقساتتارىڭىزعا ساي ما، سونى ناقتى ءبىلۋىڭىز كەرەك. ەگەر ءالى وتباسىن قۇرماعان بولساڭىزدار جانە جۇبىڭىز ونى ويلاپ تا جۇرمەسە، ونىمەن قاتىناستى دوعارۋدان قورىقپاڭىز.
10. ماحابباتتى باعالاماۋ
ماحابباتتى وزىنەن- ءوزى بەرىلە سالاتىن نارسە دەپ قابىلداماڭىز. ول - تاعدىردىڭ سىيى. جانىڭىزداعى ادامعا سىزگە دەگەن سەزىمدەرى ءۇشىن ريزاشىلىق ءبىلدىرىڭىز.
11. كەشىرۋ
قاتەلەسپەيتىن ادام بولمايدى. ءسىزدىڭ دە قالت كەتەتىن ساتتەرىڭىز بولادى. سۇيگەن ادامىڭىزدى كەشىرە ءبىلىڭىز. رەنىشتى ىشتە ساقتاماڭىز، جيناماڭىز. بۇل سالقىن قارىم- قاتىناستى وڭالتادى ءارى كۇيزەلىستەن ساقتايدى. پسيحولوگتار وكپە- رەنىشتىڭ ادام دەنساۋلىعىنا كەرى اسەر ەتەتىندىگىن دالەلدەگەن.
12. سالىستىرۋ
«ەسكى ماحابباتتارىڭىزدى» ۇمىتىڭىز. ولار وتكەن ومىرىڭىزدە قالدى. قازىر باسقا ادامدى سۇيەسىز. ونى ۇنەمى بۇرىنعى عاشىقتارىڭىزبەن سالىستىرا بەرسەڭىز، قارىم- قاتىناستارىڭىزدىڭ بىت-شىتى شىعۋى عاجاپ ەمەس.
13. قاراجات
وتباسى قاراجاتىنا ەرلى- زايىپتىلاردىڭ ەكەۋىنىڭ دە ۇلەس قوسقانى ءجون. ۇساق - تۇيەككە شۇيلىكپەي، نەگىزگى نارسەلەردى الدىن الا كەلىسىپ الىڭىز: ازىق-تۇلىكتى كىم الادى، پاتەراقىنى كىم تولەيدى ت. ب.
14. شامادان تىس سابىرلىلىق
ۇيلەنگەن جۇپتاردىڭ كوبى ۋاقىت وتە كەلە تولىسىپ كەتەتىنىن بايقادىڭىز با؟ قارىم- قاتىناستىڭ بايىپتىلىعى مەن ۇيلەسىمدىلىگى جاقسى، ارينە. ءبىراق بۇل ءوز-ءوزىڭىزدى كۇتۋدى دوعارۋ دەگەن ءسوز ەمەس. جۇبايىڭىزدىڭ ءسىزدى ۇنەمى ۇناتقانىن قالايسىز با؟ وندا سىمباتىڭىز بەن سۇلۋلىعىڭىزدى ساقتاڭىز، دەنە شىنىقتىرۋمەن شۇعىلدانىڭىز. شاشىڭىز بەن بەت-الپەتىڭىزدى كۇتىڭىز.
15. جانجال
ءوز رەنىشىڭىزدى جۇبايىڭىزدان جوعارى قويماڭىز. شەشىلمەيتىن ماسەلە جوق. ءبىر- بىرىڭىزگە ءتىل تيگىزبەڭىز. ءتۇسىنىسىپ، ورتاق شەشىمگە كەلۋگە ءارقاشان مۇمكىندىك بار.
دەرەككوزى: "پ ت" توپتاماسىنان