جوعارعى سوت 15 ادامنىڭ ولىمىنە قاتىستى ايىپتالعان چەلاحتىڭ ۇكىمىن وزگەرىسسىز قالدىردى
جوعارعى سوت كاسساتسيالىق سوت القاسى قىلمىستىق ءىس بويىنشا بارلىق سوت اكتىسىن ءوز كۇشىندە قالدىردى، ال ۆلاديسلاۆ چەلاحتىڭ ارىزىن قاناعاتتاندىرۋسىز قالدىردى. جوعارعى سوتتىڭ قىلمىستىق ىستەر جونىندە سوت القاسى ۇكىم شىعاردى.
«الماتى قالاسى قىلمىستىق ىستەر جونىندەگى اۋدانارالىق مامانداندىرىلعان اسكەري سوتىنىڭ چەلاح ۆلاديسلاۆ ۆالەريەۆيچكە قاتىستى شىققان ۇكىمىن وزگەرتۋسىز قالدىرىلسىن. تۇسىندىرىلىگەن ۇكىم سوتتالۋشى چەلاحقا جانە پروتسەسكە قاتىسۋشى بارلىق مۇشەسىنە جىبەرىلەدى»، - دەدى جوعارعى سوت قىلمىستىق ىستەر جونىندەگى سوت القاسىنىڭ سۋدياسى اباي راحمەتۋلين.
ەسكە سالايىق، 18 - قاڭتاردا قازاقستاننىڭ جوعارعى سوتى ۆلاديسلاۆ چەلاحتىڭ ءىسىن قايتا قارايتىنى حابارلاندى. ۆلاديسلاۆ چەلاح ب ۇ ۇ- نىڭ ادام قۇقىقتارى جونىندەگى كوميتەتى شىعارعان ۇكىم زاڭدى كۇشىنە ەنگەن سوڭ جوعارعى سوتقا ءوتىنىش ءتۇسىردى.
ەسكە سالايىق، سوت شەكاراشىنى ءومىر بويىنا باس بوستاندىعىنان ايىرعان بولاتىن. چەلاح 2012 -جىلدىڭ مامىر ايىندا «ارقانكەرگەن» شەكارا بەكەتىندە 14 قىزمەتتەسى مەن ءبىر ورمانشىنى ءولتىردى دەپ ايىپتالدى. اپەللياتسيالىق جانە كاسساتسيالىق سوت القاسى ونىڭ ۇكىمىن وزگەرىسسىز قالدىردى. سوتتالۋشى قوستاناي وبلىسىندا جازاسىن وتەپ جاتىر.