قازاقستاننىڭ جوعارعى سوتى شەكارا بەكەتىندە 15 ادامدى ولتىرگەن چەلاحتىڭ ءىسىن قايتا قارايدى

None
None
استانا. قازاقپارات - قازاقستاننىڭ جوعارعى سوتى ۆلاديسلاۆ چەلاحتىڭ ءىسىن قايتا قارايدى، - دەپ حابارلايدى Tengrinews.kz ۆەدومستۆونىڭ باسپا ءسوز قىزمەتىنە سىلتەمە جاساپ.

ۆلاديسلاۆ چەلاح ب ۇ ۇ- نىڭ ادام قۇقىقتارى جونىندەگى كوميتەتى شىعارعان ۇكىم زاڭدى كۇشىنە ەنگەن سوڭ جوعارعى سوتقا ءوتىنىش ءتۇسىردى.

«وسىعان بايلانىستى جوعارعى سوتتىڭ قىلمىستىق ىستەر جونىندەگى القاسى ونىڭ ءىسىن 2019 -جىلدىڭ 22 - قاڭتارىندا قارايدى»، - دەپ حابارلادى جوعارعى سوتتاعىلار. ۆەدومستۆو مالىمەتىنشە، سوتتالۋشى سوت وتىرىسىنا قاتىسپايدى. «ول ۆيدەوبايلانىس ارقىلى شىعا الادى. بۇل مۇمكىن، ءبىراق ونى سوت شەشەدى»، - دەدى سوتتىڭ باسپا ءسوز قىزمەتىندەگىلەر.

 ەسكە سالايىق، سوت شەكاراشىنى ءومىر بويىنا باس بوستاندىعىنان ايىرعان بولاتىن. چەلاح 2012 -جىلدىڭ مامىر ايىندا «ارقانكەرگەن» شەكارا بەكەتىندە 14 قىزمەتتەسى مەن ءبىر ورمانشىنى ءولتىردى دەپ ايىپتالدى. اپەللياتسيالىق جانە كاسساتسيالىق سوت القاسى ونىڭ ۇكىمىن وزگەرىسسىز قالدىردى. سوتتالۋشى قوستاناي وبلىسىندا جازاسىن وتەپ جاتىر.

www.24.kz

سوڭعى جاڭالىقتار