دارىگەرلەر ەر ادامنىڭ ءومىرىن 15 بوتەلكە سىرانىڭ كومەگىمەن ساقتاپ قالدى

None
None
استانا. قازاقپارات - ۆەتنامدا دارىگەرلەر 48 جاستاعى نگۋەن ۆان نحاتتىڭ ءومىرىن 15 بوتەلكە سىرانىڭ كومەگىمەن ساقتاپ قالدى.

بۇل تۋرالى Daily Mail باسىلىمى جازدى، دەپ حابارلايدى قازاقپارات.

ونىڭ سەبەبى مىنادا، نحاتتىڭ قانىنىڭ قۇرامىنداعى مەتانول دەڭگەيى ءتيىستى نورمادان 1000 ەسە ارتىپ كەتكەن. ونىڭ ءومىرىن ساقتاپ قالۋ ءۇشىن دارىگەرلەر الدىمەن ءۇش بوتەلكە سىرا قۇيعان، كەيىن ساعات سايىن ءبىر بوتەلكەدەن قۇيىپ وتىرعان. وسىلايشا، دارىگەرلەر ناۋقاس باۋىرىنىڭ مەتانول شىعارۋىن ازايتا العان.

سونىمەن قاتار ناۋقاستىڭ قانىن تازارتىپ وتىرعان. دارىگەرلەردىڭ ايتۋىنشا، الكوگول ادام اعزاسىنا تەك ەكى فورمادا - مەتيل سپيرتى جانە ەتيل سپيرتى تۇرىندە ءتۇسۋى مۇمكىن.

العاشقىسى ادام ومىرىنە قاتەرلى، ويتكەنى قورىتۋ كەزىندە ول توتىعىپ، ۋلى فورمالدەگيدكە اينالادى. ءبىراق باۋىر ەڭ الدىمەن سىرا نەمەسە باسقا دا ساپالى الكوگولدىڭ قۇرامىندا بولاتىن ەتانولدى شىعارا باستايدى. ەكىنشى سوزبەن ايتقاندا، دارىگەرلەر «ۋدى ۋ ەمدەيدى» دەگەن ءتاسىلدى قولدانعان.

ءۇش اپتا دارىگەرلەردىڭ باقىلاۋىندا بولعان ناۋقاس قۇلان تازا ايىعىپ كەتتى.

سوڭعى جاڭالىقتار