تۇمان، بۇرقاسىن، كوكتايعاق - 15- جەلتوقسانعا ارنالعان اۋا رايى

استانا. قازاقپارات - باتىس قازاقستانداعى تسيكلونعا جانە اتموسفەرالىق فرونتتارعا بايلانىستى قازاقستاننىڭ باسىم بولىگىندە اۋا رايى تۇراقسىز بولادى.

كەي جەرلەردە جاۋىن-شاشىن ءتۇسىپ، تەك وڭتۇستىك-شىعىستا كۇن اشىق بولادى. تۇمان، كوكتايعاق، بۇرقاسىن كۇتىلەدى، جەل كۇشەيەدى، دەپ حابارلايدى قازاقپارات قازگيدرومەتكە سىلتەمە جاساپ.

جامبىل،  قىزىلوردا، اتىراۋ، ماڭعىستاۋ، اقتوبە، قاراعاندى وبلىستارىنىڭ كەي جەرلەرىندە تۇمان، كوكتايعاق كۇتىلەدى. ماڭعىستاۋ، اتىراۋ، قاراعاندى وبلىستارىنىڭ كەي جەرلەرىندە جەل 15-20 م/س دەيىن كۇشەيەدى.

قوستاناي، اقمولا وبلىستارىنىڭ كەي جەرلەرىندە تۇمان، بۇرقاسىن بولۋى مۇمكىن. قوستاناي وبلىسىندا جەل جىلدامدىعى سەكۋندىنا 15-20 مەترگە دەيىن جەتەدى. كوكتايعاق بولادى.

باتىس قازاقستان وبلىسىنىڭ كەي جەرلەرىندە تۇمان، بۇرقاسىن، كوكتايعاق بولادى. تۇندە كەي جەرلەردە جەل ەكپىنى 15-20 م/س دەيىن كۇشەيەدى.

تۇركىستان، الماتى وبلىستارىندا تۇمان كۇتىلەدى، كۇشى 15-23 م/س دەيىن ىزعىرىق جەل تۇرادى.

سولتۇستىك قازاقستان، پاۆلودار، شىعىس قازاقستان وبلىستارىنىڭ كەي جەرلەرىندە تۇمان بولۋى ىقتيمال.