حالىقتان كەك الۋ ءۇشىن 15 ادامدى قاعىپ ولتىرگەن ەر ادام ءولىم جازاسىنا كەسىلدى

  استانا. قازاقپارات - قىتايدىڭ حەنيان قالاسىندا ورتا ساتىلى حالىق سوتى 15 ادامدى قاعىپ كەتىپ، مەرت قىلعان جۇرگىزۋشىنى ءولىم جازاسىنا كەستى.

 بۇل تۋرالى «ر ي ا نوۆوستي» اگەنتتىگىنە سىلتەمە جاساپ Stan.kz حابارلايدى.

 وقيعا 12- قىركۇيەكتە ورىن العان. جول تالعامايتىن كولىكتى تىزگىندەگەن يان جانيۋن جاياۋ جۇرگىنشىلەردى قاعىپ كەتكەن. سالدارىنان 15 ادام مەرت بولىپ، تاعى 43 ءى زارداپ شەككەن. بەلگىلى بولعانداي، ول بۇعان دەيىن بىرنەشە رەت سوتتى بولعان جانە وسىلايشا قوعامنان «كەك الماق» بولىپتى.

«حەنيان قالاسىنىڭ ورتا ساتىلى حالىق سوتى اسا قاۋىپتى ادىسپەن قوعام قاۋىپسىزدىگىنە قاۋىپ توندىرەدى دەپ ايىپتالعان يان جانيۋننىڭ ىسىنە قاتىس تىڭدالىم وتكىزدى. سوت زالىندا ۇكىم وقىلدى. يان جيانيۋن قىلمىسى ءۇشىن ءولىم جازاسىنا كەسىلدى»، - دەلىنەدى سوت زالىندا.

Stan.kz