بيىل ەكى ازاماتتىعى بار 15 مىڭنان استام قازاقستاندىق انىقتالدى

None
None
استانا. قازاقپارات - اعىمداعى جىلى ەكى ازاماتتىعى بار 15 مىڭنان استام قازاقستاندىق انىقتالدى.

بۇل تۋرالى بۇگىن ءماجىلىستىڭ جالپى وتىرىسىندا «قازاقستان رەسپۋبليكاسىنىڭ ۇكىمەتى مەن تاجىكستان رەسپۋبليكاسىنىڭ ۇكىمەتى اراسىنداعى كوشى- قون سالاسىنداعى ىنتىماقتاستىق تۋرالى كەلىسىمدى راتيفيكاتسيالاۋ تۋرالى» ق ر زاڭىنىڭ جوباسىن تانىستىرعان ەلىمىزدىڭ ىشكى ىستەر ءمينيسترى قالمۇحانبەت قاسىموۆ ايتتى، دەپ حابارلايدى قازاقپارات ءتىلشىسى.

«بيىل ەكى ازاماتتىق العان 15260 ادامدى انىقتادىق. ونىڭ 555- ءىن جاۋاپقا تارتتىق. 102 ادامدى ەلدەن شىعاردىق، قالعانى ايىپپۇل تولەپ، ەلدەن شىعىپ كەتتى. سوندىقتان الداعى ۋاقىتتا ەكى ازاماتتىق بولماسىن دەپ ارنايى كەلىسىم جاساپ جاتىرمىز»، - دەدى مينيستر دەپۋتاتتاردىڭ ساۋالىنا وراي.

سونىمەن قاتار قالمۇحانبەت قاسىموۆ زاڭ جوباسىنا وراي قازاقستان مەن تاجىكستان اراسىنداعى كوشى- قون دەرەكتەرىنە دە توقتالدى.

«2018 -جىلدىڭ 11 ايىندا بىزگە 492 مىڭ تاجىكستان ازاماتى كەلدى. ونىڭ تەك 56 مىڭى عانا تىركەلگەن. ويتكەنى، ولار بەس كۇننەن كەيىن تىركەلۋى ءتيىس. قالعاندارى قىزمەت بابىمەن، جەكە شارۋالارىمەن كەلگەن. تۋريستەر سانى 10 مىڭ ادامدى قۇرايدى»، - دەدى ول.

ونىڭ ايتۋىنشا، ەلىمىزگە كەلگەن تاجىك ازاماتتارى تاراپىنان جاسالاتىن قىلمىستار دا تىركەلگەن.

«اعىمداعى جىلى ولار 59 قىلمىس، وتكەن جىلى 48  قىلمىس جاساعان. بۇل جالپى قىلمىس سانىنىڭ 0,02 پايىزىنا تەڭ. نەگىزىنەن ولار بازارلارداعى ۇساق- تۇيەك ۇرلىقتى قۇرايدى. بۇل ماسەلەنى ەسكەرىپ، شارالار قابىلدايتىن بولامىز. اكىمشىلىك جاۋاپكەرشىلىككە تارتىلعان تاجىكتەردىڭ 90 پايىزى 5 كۇننىڭ ىشىندە تىركەلىپ ۇلگەرمەگەن. ەندىگى ۋاقىتتا ءبىز 30 كۇن بەرمەكپىز»، - دەدى مينيستر.

ءماجىلىس دەپۋتاتتارى اتالعان زاڭ جوباسىن ماقۇلداپ، سەناتقا جىبەردى.

ايتا كەتەيىك، قازاقستان مەن تاجىكستان اراسىنداعى كوشى- قون سالاسىنداعى ىنتىماقتاستىق تۋرالى كەلىسىم 2018 -جىلدىڭ ناۋرىزىندا استانادا جاسالعان بولاتىن. ال وسى جىلدىڭ شىلدە ايىندا تاجىكستان پارلامەنتى بۇل زاڭ جوباسىن راتيفيكاتسيالانعان ەدى. كەلىسىمدى راتيفيكاتسيالاۋ ەكى ەلدىڭ كوشى- قون، ازاماتتاردىڭ قۇقىقتارىن قورعاۋ سالاسىنداعى ىنتىماقتاستىعىنىڭ تيىمدىلىگىن ارتتىرادى.

اۆتور: مارلان جيەمباي

سوڭعى جاڭالىقتار