دۋباي اۋەجايىندا جولاۋشىلاردى تەكسەرۋگە 15 سەكۋند كەتەدى

استانا. قازاقپارات - دۋبايدىڭ حالىقارالىق اۋەجايىندا جولاۋشىلاردى تەكسەرۋدەن وتكىزەتىن جاڭا جۇيە سىناقتان وتكىزىلە باستادى.

«اقىلدى تۋننەل» دەپ اتالاتىن قۇجاتتىق تەكسەرۋ ادامنىڭ ەش قاتىسۋىنسىز جۇمىس ىستەيدى. بيومەتريكالىق سكانەرلەر ورناتىلعان تۋننەلدە جولاۋشىلاردى تەكسەرۋگە ادەتتەگى 2 مينۋتتىڭ ورىنىنا بار- جوعى 15 سەكۋند كەتەدى.

ساياحاتشى الدىمەن «اقىلدى تۋننەلدىڭ» الدىنداعى قاقپادا تىركەۋدەن وتەدى. ودان كەيىن 80 كامەرا ورناتىلعان اكۆاريۋم سەكىلدى تۋننەلگە كىرەدى. جولاۋشى جان- جاعىنا قاراعاندا كوزدىڭ قاراشىعى، بەت الپەتى ءتۇسىرىلىپ، اتى- ءجونى راستالسا، ەدەندە جاسىل شام جانادى. ال جولاۋشى تەكسەرىستەن وتپەسە قىزىل جانادى.

موحاممەد احمەد ءال- مارري، ب ا ءا ميگراتسيالىق قىزمەتى باسشىسى:

- بۇل جۇيە الدىمەن اقپاراتتىق تەحنولوگيالار كورمەسىندە كورسەتىلدى. ال قازىرگى مىنا جوبا ءتورت جىل بۇرىن قولعا الىنعان بولاتىن. جالپى «اقىلدى تۋننەل» جۇيەسىندە ەڭ جاڭا، بىرەگەي تەحنولوگيا قولدانىلادى.

 بريۋس سۆەنسون، امەريكالىق ساياحاتشى:

 - ماعان جۇيە ۇنادى. باستاپقىدا ونىڭ شىنايى تەكسەرىس ەكەنىن تۇسىنبەي قالدىم. ءبىراق جۇيەنىڭ قالاي جۇمىس ىستەيتىنىن ۇققان سوڭ ءبارى وڭاي ەكەنىن كوردىم.

www.24.kz