ەلوردادا وقۋشىلاردىڭ جولاقى جەڭىلدىگى تاعى 15 كۇنگە ۇزارتىلدى

استانا. قازاقپارات - ەلوردادا مەكتەپ وقۋشىلارىنا قوعامدىق كولىكتىڭ جول اقىسىنا ارنالعان جەڭىلدىك 1 قازانعا دەيىن ۇزارتىلدى، دەپ حابارلايدى قازاقپارات ءتىلشىسى.

«قۇرمەتتى اتا-انالار! قالا باسشىلىعى بالالار ءۇشىن 40 تەڭگە كولەمىندە بەكىتىلگەن جول ءجۇرۋ اقىسىنىڭ مەرزىمىن 2018 -جىلدىڭ 1 -قازانىنا دەيىن ۇزارتتى. بالالار ءۇشىن كارتامەن دە، قولما قول تولەممەن دە جول ءجۇرۋ قۇنى 2018 -جىلدىڭ 1 -قازانىنا دەيىن 40 تەڭگە بولىپ ساقتالادى»، - دەلىنگەن «استانا ل ر ت» كومپانياسىنىڭ فەيسبۋكتەگى حابارلاماسىندا.

كومپانيا بالالاردىڭ مەكتەپ كارتاسىن جاساتۋعا ءوتىنىش بەرمەگەن اتا-انالارعا بۇل ءىستى كەيىنگە قالدىرماۋدى سۇرايدى.

«بالالاردىڭ كولىكتىك كارتاسىن جاساتۋدىڭ ەكى جولى بار. بىرىنشىدەن، «استانا LRT»  ج ش س ورتالىق كاسساسىنا كەلىپ ءوتىنىش تولتىرىپ، ودان ءارى دايىن كارتانى وقىپ جاتقان مەكتەپتەن الۋعا بولادى. ەكىنشىدەن، transcard.kz سايتىنا ونلاين- ءوتىنىم جىبەرىپ، ودان ءارى، دايىن كارتانى ورتالىق كاسساعا كەلىپ الۋعا مۇمكىندىك بار. ءبىرىنشى مارتە كارتانى الۋ - تەگىن. كارتا جوعالعان جاعدايدا قايتا قالپىنا كەلتىرۋ 400 تەڭگە»، - دەلىنگەن حابارلامادا.

«1 -قازاننان باستاپ كارتا ارقىلى جول اقىسىن تولەگەن وقۋشىلار ءۇشىن جول اقىسى 40 تەڭگە، ال قولما-قول تولەگەن وقۋشىلار ءۇشىن 90 تەڭگە بولادى»، - دەدى قازاقپارات تىلشىسىنە «استانا ل ر ت» كومپانياسىنىڭ باسپا ءسوز حاتشىسى ناۋات ازانبايەۆا.

ەسكە سالا كەتسەك، بۇعان دەيىن دە ەلوردادا وقۋشىلارعا قوعامدىق كولىكتەردە ءجۇرۋ اقىسىن قولما-قول 40 تەڭگەدەن تولەۋ 15 -قىركۇيەككە دەيىن ۇزارتىلعان بولاتىن.