11:51, 19 - شىلدە 2018 | GMT +6
استانادان جارتى جىلدا 15 مىڭعا جۋىق ۇشاق ۇشقان
استانا. قازاقپارات - نۇرسۇلتان نازاربايەۆ حالىقارالىق اۋەجايى 2018-جىلدىڭ قاڭتار-ماۋسىم ايلارىندا 2 ميلليون 145 مىڭ 154 جولاۋشىعا قىزمەت كورسەتتى. بۇل كورسەتكىش وتكەن جىلدىڭ سايكەس مەرزىممەن سالىستىرعاندا %17 كە كوپ، دەپ حابارلايدى قازاقپارات.
اتالعان اۋەجاي باسپا ءسوز قىزمەتىنىڭ حابارلاۋىنشا، 2018-جىلدىڭ جارتى جىلىندا حالىقارالىق اۋەجاي ىشكى باعىتتاعى جولاۋشىلار كولەمىن %12 كە ارتتىرىپ، وسى ارالىقتا 1 ميلليون 346 مىڭ 578 ادام اۋەجاي قىزمەتىنە جۇگىنگەن.
بۇدان وزگە، اعىمداعى جىلعى قاڭتار-ماۋسىم ايلارىندا ەلوردانىڭ اۋە قاقپاسى حالىقارالىق باعىتتاعى 798 مىڭ 576 جولاۋشىعا قىزمەت كورسەتىپ، سايكەس مەرزىممەن سالىستىرعاندا %26 كە ارتتىرعان.
سونداي-اق، اتالعان كەزەڭ ىشىندە استانا اۋەجايىنان 14 مىڭ 353 ۇشاق ۇشۋ ساپارلارىن ورىنداعان (بۇل كورسەتكىش 2017-جىلعى وسى مەرزىممەن سالىستىرعاندا %11 كە ارتىق).