مىڭداعان ادام ساڭىراۋقۇلاقتان ۋلانىپ، 15 ادام كوز جۇمدى

استانا. قازاقپارات - يراندا ساڭىراۋقۇلاقتان ۋلانعان 15 ادام كوز جۇمىپ، مىڭداعان ادام زارداپ شەككەن، - دەپ حابارلايدى ريا نوۆوستي پورتالى Fars اگەنتتىگىنە سىلتەمە جاساپ.

مۇنىڭ الدىندا 11 ادام مەرت بولىپ 800 ادام زارداپ شەككەنى حابارلانعان بولاتىن. «قازىرگى تاڭدا 1017 ادام اۋرۋحاناعا جونەلتىلىپ، ونىڭ ىشىندە 116 ادام جاتقىزىلدى، ال 15 ادام كوز جۇمعان»، - دەپ مالىمدەدى ەلدىڭ اپات قىزمەتىنىڭ وكىلى مودجتابۋ حالەدي.

بىرنەشە كۇن بۇرىن يراندا ساڭىراۋقۇلاقتان جاپپاي ۋلانۋ بولعانى حابارلانعان. 19 -مامىردا 720 ادامنىڭ ۋلانعانى جانە 9 ادامنىڭ كوز جۇمعانى بەلگىلى بولعان. وقيعا بىرنەشە ايماقتا - كەرمانشاح، كۇردىستان، لۋرەستان، زەندجان، باتىس جانە شىعىس ءازىربايجان مەن حاماداندا بولعان.