ەلىمىزدە 15 -قاراشادا وتەتىن ماڭىزدى وقيعالارعا شولۋ

None
None
استانا. قازاقپارات - «قازاقپارات» حالىقارالىق اقپارات اگەنتتىگى 15 -قاراشا كۇنى ەلىمىزدە بولاتىن ەڭ ماڭىزدى وقيعالارعا شولۋ ۇسىنادى.

استانا

ەل ورداسى استانادا نەگىزگى شارالار تاڭەرتەڭگى 9:30-دا باستالادى. اتاپ ايتقاندا ءدال وسى ۋاقىتتا قازاقستان رەسپۋبليكاسى مادەنيەت جانە سپورت مينيسترلىگى تىلدەردى دامىتۋ جانە قوعامدىق- ساياسي جۇمىس كوميتەتى 2017 -جىلدىڭ 15 -قاراشاسىندا «مەملەكەتتىك ءتىلدى وقىتۋ ءادىسناماسىن جەتىلدىرۋ مەن ستاندارتتاۋدى ىسكە اسىرۋ جولدارى» رەسپۋبليكالىق ونلاين سەمينار- ترەنينگىن وتكىزەدى.

ساعات 10:00-دە «قازاقپارات» ح ا ا - www.inform.kz سايتىندا، سونىمەن قاتار «سامۇرىق- قازىنا» ا ق (بۇدان ءارى قور) جانە الەۋمەتتىك ءوزارا ىقپالداستىق جانە كوممۋنيكاتسيالار ورتالىعىنىڭ فەيسبۋكتەگى رەسمي پاراقشاسىندا قوردىڭ باسقارما ءتوراعاسى ءومىرزاق شوكەيەۆتىڭ كومپانيالار توبىنداعى جاس قىزمەتكەرلەرمەن (جەلىلىك جەتەكشىلەر جانە وندىرىستەگى جۇمىسشىلارمەن) كەزدەسۋىنىڭ ونلاين- كورسەتىلىمى باستالادى. كەزدەسۋ «تاۋ- كەن التىن» اففيناج زاۋىتىندا وتەدى.

ال ساعات 15.00-دە ق ر پارلامەنتى ءماجىلىسى ەكونوميكالىق رەفورما جانە ايماقتىق دامۋ جونىندەگى كوميتەتىنىڭ دەپۋتاتتارى «ازاماتتارعا ارنالعان ۇكىمەت» مەملەكەتتىك كورپوراتسياسىنىڭ فرونت- وفيستەرىن ارالايدى.

سونداي-اق ساعات 15:00-دە (№1 پەريناتالدى ورتالىق) سەرەبرالدى سال اۋرۋىنا شالدىققان بالالارعا ارنالعان «بالاپان» ەرتە ارالاسۋ- وڭالتۋ ورتالىعى اشىلادى. بۇل - قازاقستانداعى تۋعاننان باستاپ ەكى جاسقا دەيىنگى وڭالتۋمەن اينالىساتىن العاشقى ورتالىق. مۇندا اي سايىن از قامتىلعان وتباسىلار مەن بالالار ۇيىنەن 56-عا جۋىق بالانى قابىلداۋ جوسپارلانعان. وڭالتۋ كۋرسى 10 كۇنگە سوزىلادى.

ساعات 16:20-دا ورتالىق كوممۋنيكاتسيالار قىزمەتىندە «نۇرلى جەر» - تۇرعىن ءۇي قۇرىلىسى باعدارلاماسىنىڭ ناتيجەلەرى جانە ونىڭ تەتىكتەرىن وزەكتەندىرۋ» تاقىرىبىندا باسپا ءسوز ءماسليحاتى وتەدى. جيىنعا قر يدم قۇرىلىس جانە تۇرعىن ءۇي- كوممۋنالدىق شارۋاشىلىق ىستەرى كوميتەتىنىڭ ءتوراعاسى مارحابات جايىمبەتوۆ جانە ق ر ي د م قۇرىلىس جانە تۇرعىن ءۇي- كوممۋنالدىق شارۋاشىلىق ىستەرى كوميتەتىنىڭ باسقارما باسشىسى كەنجەبولات مىڭبايەۆ قاتىسادى.

ساعات 17.00-دە «نۇر وتان» پارتياسىنىڭ رەسپۋبليكالىق قوعامدىق قابىلداۋ بولمەسىندە قازاقستان رەسپۋبليكاسىنىڭ اقپارات جانە كوممۋنيكاتسيالار ءمينيسترى داۋرەن ابايەۆ ازاماتتاردى جەكە قابىلدايدى. جەكە قابىلداۋعا بەينەبايلانىس كونفەرەنسياسى ارقىلى وڭتۇستىك قازاقستان، جامبىل، ماڭعىستاۋ وبلىستارى جانە استانا قالالارىنان 11 ازامات جازىلعان. نەگىزىنەن قابىلداۋدا ەلەكتروندىق ۇكىمەتتىڭ جۇمىسىنا، تەلەارنالارداعى باعدارلامالارعا جانە اۋىلدىق ەلدى- مەكەندەردى جوعارعى ينتەرنەتپەن قامتاماسىز ەتۋگە قاتىستى ماسەلەلەر قاراستىرىلاتىن بولادى.

الماتى

ساعات 10:00-دە الماتى قالاسىندا قازاق ۇلتتىق ۋنيۆەرسيتەتىندە «سانانىڭ اشىقتىعى» اتتى قازاقستان حالقى اسسامبلەياسىنىڭ  Ⅲ حالىقارالىق مەديا فورۋمىنىڭ جالپى وتىرىسى وتەدى. ءىس- شاراعا ق ر پارلامەنت دەپۋتاتتارى، مەملەكەتتىك ورگانداردىڭ لاۋازىمدى تۇلعالارى، گەرمانيا، لاتۆيا، رەسەي، وزبەكستان ەلدەرىنەن كەلگەن ساراپشىلار جانە مەديا سالاسىنداعى وتاندىق ساراپشىلار، ق ح ا مۇشەلەرى، ەتنومادەني بىرلەستىكتەر، رەسپۋبليكالىق جانە ايماقتىق ب ا ق وكىلدەرى، جۋرناليستيكا فاكۋلتەتتەرىنىڭ ستۋدەنتتەرى، ت. ب. قاتىسادى. فورۋم شەڭبەرىندە وتاندىق جانە شەتەلدىك جەتەكشى سپيكەرلەردىڭ شەبەرلىك ساباقتارى، TEDx كونفەرەنسياسى، ەتنوستىق باق كورمەسى وتكىزىلەدى. فورۋم سوڭىندا قازاقستان حالقى اسسامبلەياسىنىڭ جۋرناليستيكا سالاسىندا جىل سايىن وتكىزەتىن «شاڭىراق» بايقاۋىنىڭ جەڭىمپازدارىن ماراپاتتاۋ سالتاناتى وتەدى.

ساعات 16:30-دا الماتىدا قازاقستان رەسپۋبليكاسىنىڭ تۇڭعىش پرەزيدەنتى ەلباسىنىڭ قورىندا (مەكەن جاي: الماتى، ماحاتما گاندي، 10) برازيليا مەن رەسەيدە وتكەن حالىقارالىق كينوفەستيۆالدەردە ەكى ارنايى جۇلدەگە يە بولعان «13 كيلومەتر» دەرەكتى ءفيلمىنىڭ تۇساۋكەسەرى وتەدى. رەجيسسەر ۆلاديمير تيۋلكيننىڭ «13 كيلومەتر» فيلمى زاعيپ فەرمەر سەرىك بودانبايەۆ تۋرالى باياندايدى.

وڭىرلەر

شىمكەنتتە ساعات 09:30-دا «قازاقستاننىڭ جىبەك جولىمەن ساياحات» فەستيۆالى اياسىندا حالىقارالىق «Ontustik Tourism. Invest 2017» تۋريستىك جانە ينۆەستيتسيالىق فورۋمى وتەدى. ايتا كەتەيىك، بۇل فورۋمعا كىتاي ءتۋريزمى مەملەكەتتىك باسقارماسى، قازاقستانداعى، الىس جانە جاقىن شەت ەلدەردەگى تۋريزم سالاسىنىڭ كاسىپقويلارى، مەملەكەتتىك ورگاندار، قازاقستاندىق جانە حالىقارالىق قاۋىمداستىقتىڭ، كاسىپوداقتاردىڭ، تۋريستىك ۇيىمداردىڭ، قاۋىمداستىقتار مەن ينۆەستيتسيالىق كومپانيالاردىڭ وكىلدەرى قاتىسادى.

سونىمەن قاتار وسى كۇنى قازاقستان رەسپۋبليكاسىنداعى باس بوستاندىعىنان ايىرۋ ورىندارىنان بوساتىلعان جانە پروباتسيا قىزمەتىنىڭ ەسەبىندە تۇرعان تۇلعالارعا الەۋمەتتىك- قۇقىقتىق، مەديتسينالىق جاردەم، جۇمىسقا ورنالاستىرۋ، قۇجاتتاندىرۋ، زاڭ كومەگىن بەرۋ، زەينەتاقى جانە جاردەماقىلاردى راسىمدەۋگە كومەك كورسەتۋ ماقساتىندا شىمكەنت قالاسىندا «پروباتسيا الەۋمەتتىك- قۇقىقتىق قىزمەت كورسەتۋ ورتالىعىنىڭ» رەسمي تۇردە اشىلادى.

ال الماتى وبلىسىندا ساعات 12.00-دە الماتى وبلىسىنىڭ اكىمى اماندىق باتالوۆ اقسۋ قانت زاۋىتىنا (اقسۋ اۋدانى، جانسۇگىروۆ كەنتى) بارىپ، كاسىپورىننىڭ جۇمىسىمەن تانىسادى.

سوڭعى جاڭالىقتار