كوكا-كولا سۋسىنى تۋرالى 15 فاكت

نۇر- سۇلتان. قازاقپارات «Anews» ۇجىمى «Buisiness Insider» باسىلىمىمەن بىرىگىپ، الەمدەگى ەڭ تانىمال سۋسىن جايلى بىرنەشە فاكتىلەردى ۇسىنادى.

بۇل سۋسىندى الەمدە بىلمەيتىن ادام جوق. زەرتتەۋ كومپانيالارىنىڭ پىكىرىنە سۇيەنسەك الەم حالقىنىڭ 94 پايىز «Coca-cola» مەن تانىس. ءبىراق، ونىڭ قۇپيالارى تۋرالى بارلىعى بىلە بەرمەيدى.

1. وزگەرمەيتىن لوگوتيپ

كوپتەگەن كومپانيالار ءوز لوگوتيپتەرىن وزگەرتۋ ءۇشىن كوپتەگەن قاراجات ءبولىپ جاتسا، كوكا- كولا وعان باسىن اۋىرتپادى. تانىمال جازۋ 1886 - جىلى بۋحالتەر فرەنك روبينسوننىڭ تىرىسۋىمەن پايدا بولدى. روبينسون ويلاپ تاپقان لوگوتيپ قازىر دە پايدالانىلىپ كەلەدى. كومپانيا ديزاينەرلەرى تەك شامالى عانا وزگەرىستەر ەنگىزگەنى بولماسا، ءوز تاريحىندا كوكا- كولا ەشقاشان بەلگىشەسىن وزگەرتكەن ەمەس.

2. جۇيكەنى تىنىشتاندىراتىن سۋسىن

1886 -جىلى كولا العاش ساتىلىمعا سالقىنداتىلعان سۋسىن رەتىندە ەمەس، جۇيكەنى تىنىشتاندىراتىن سۋسىن رەتىندە شىققان. سونىمەن قاتار، دجون پەربەنتون ءوز سۋسىنىن يمپوتەنسيادان قورعايتىنىن دا ايتقان.

3. قۇرامىندا كوكاين بار

1903 -جىلعا دەيىن كولانىڭ قۇرامىندا كوكاين بار بولعان. كەيبىرەۋلەر مۇنى تەك اڭىز، دەپ ويلايدى. ءبىراق، ول كەزدە كوكاين تىيىم سالىنعان زات بولماعاندىقتان گاز جاساۋ ءۇشىن كوكايننىڭ جاپىراقتارى پايدالانىلعان.

4. كوكا- كولا الەمدە ىشىلەتىن سۋسىنداردىڭ 3 پايىزىن قۇرايدى

كومپانيا باسشىلىعى 2014 - جىلعى بايانداماسىندا قىزىقتى مالىمەتپەن ءبولىستى. ولاردىڭ ايتۋىنشا، كوكا- كولا الەمدە كۇن سايىن ىشىلەتىن سۋسىنداردىڭ 3 پايىزىن قۇرايدى (اۋىزسۋدى ەسەپتەمەگەندە).

5. قاي ەلدەردە كوكا كولانى تابا المايسىز

الەمدە بۇل گازدالعان سۋسىندى ساتپايتىن ەكى عانا مەملەكەت بار: كۋبا مەن سولتۇستىك كورەيا. 2012 -جىلعا دەيىن بۇل تىزىمدە ميانما دا بولعان. ءتاتتى سۋسىندى، ونى ەڭ العاش پايدالانعان شەتەلدىڭ ءبىرى كۋباعا كىرگىزۋ 1960 - جىلدارى توقتاتىلدى. ال، سولتۇستىك كورەيانىڭ دۇكەندەرىندە بۇل سۋسىن ەشقاشان بولعان ەمەس.

6. كوكا- كولانىڭ بارلىق ءونىمىن پايدالانىپ كورۋ ءۇشىن قانشا ۋاقىت كەرەك

كومپانيا ۇلكەن مولشەردە ءارتۇرلى سۋسىندار شىعارادى. ەگەر كۇن سايىن جاڭا بىرەۋىنىڭ ءدامىن تاتىپ وتىراتىن بولسا، بارلىعىن ءبىتىرۋ ءۇشىن كەم دەگەندە 9 جىل ۋاقىت كەرەك. قازىرگى ۋاقىتتا كومپانيادا 3500 سۋسىن مەن 500 برەند بار. رەسەي ساۋدا ورىندارى سۋسىننىڭ تەك 20 تۇرىمەن عانا تانىس.

7. كوكا- كولا جانە ايعا دەيىنگى جول

ەگەر وسىعان دەيىن كومپانيا شىعارعان كوكا- كولانىڭ 200 ميلدەن ءسال كوپ سۋسىندارىنان جول جاساسا ونىڭ ۇزىندىعى اي مەن جەردىڭ اراقاشىقتىعىنان 2000 ەسە ۇزىن جول شىعادى.

8. كوكا -كولا برەندى قانشا تۇرادى؟

قازىرگى تاڭدا كوكا- كولا 83,8 ميلليون دوللارعا باعالانىپ وتىر.

9. بارلىعىنا تۇسىنىكتى ءسوز

كومپانيانىڭ ايتۋىنشا، كوكا- كولا الەمدەگى «ок» سوزىنەن كەيىنگى ەڭ تۇسىنىكتى ءسوز ەكەن.

10. كولانى بارلىعى جاقسى كورەتىن جەر

كوبىسى كولانى ا ق ش- تا كوپ پايدالانادى، دەپ ويلايدى. ءبىراق، ولاي ەمەس. كولانى پايدالانۋ بويىنشا كوش باستاپ تۇرعان - مەكسيكا. ورتا ەسەپپەن جىلىنا ءبىر مەكسيكاندىق كولانىڭ 745 قۇتىسىن ىشەدى ەكەن. قۇراما شتاتتىكى ورتالاۋ، 400 شاماسىندا.

11. كۋپون كونسەپسياسى

كومپانيا وزدەرىنىڭ ارقاسىندا كۋپون كونسەپتسياسى پايدا بولعانىن ايتادى (تەگىن تاۋار الۋ ءۇشىن كۋپون). العاش 1887 - جىلى شىققان كۋپونداردى كوكا كولانىڭ تەگىن گازدالعان سۋسىنىنا ايىرباستاۋعا بولاتىن ەدى. مۇنداي كۋپونداردى حالىق پوچتا ارقىلى نەمەسە جۋرنالدان قيىپ الاتىن. كومپانيا باسشىلىعىنىڭ ايتۋىنشا، وسى ءتاسىل كومپانياعا ۇلكەن تانىمالدىلىق الىپ كەلىپ، شەتەل ساۋداسىنا شىعۋعا جول اشتى.

12. سانتا كلاۋستىڭ پايدا بولۋى

12. اياز اتاتىن ارىپتەسى سانتا ءوزىنىڭ قازىرگى كەلبەتىنە كوكا- كولانىڭ ديزاينەرى حەددون ساندبلومعا «قارىز». ول 1931 - جىلى قىزىل كوستيۋمدەگى اق ساقالدى كوڭىلدى سيقىرشى شالدىڭ سۋرەتىن سالعان. جاڭا جىلدىق جارقىن كەيىپكەر پايدا بولعاننان كەيىن، 1921 - جىلى قۇرىلعان كوكا- كولانىڭ جاڭا جىلدىق كومپانياسىنىڭ تانىمالدىلىعى ارتا ءتۇستى.

13. بايكوت جانە وليمپيادا

1980 - جىلى ا ق ش ۇكىمەتى ك س ر و- داعى وليمپيادا ويىندارىنا بايكوت جاريالاعاندا، ءتاتتى سۋسىننىڭ باسشىلىعى وعان قوسىلماي، سپورتتىق ويىنداردىڭ سەرىكتەسى بولعان. ءدال سول جىلى وداقتاس مەملەكەتتەر العاش رەت كولانىڭ ءدامىن تاتىپ كوردى.

14. العاش كوسموستا

1985 -جىلى كولا كوسموسقا ۇشقان العاشقى الكوگولسىز سۋسىن بولدى. گازدى سۋسىندى شىعارۋشىلار استروناۆتارعا ارناپ ەرەكشە سورعىشى بار سۋسىن قۇتىسىن شىعاردى.

15. سۋسىنعا ارنالعان تەمپەراتۋرا

تانىمال سۋسىندى شىعارۋشىنىڭ پىكىرىنشە سۋسىنعا ارنالعان تەمپەراتۋرا سەلسي شكالاسى بويىنشا 1,1 مەن 3,3 گرادۋس اراسىندا.