قىتاي ماماندىقتار ءتىزىمىن 158 جاڭا كاسىپ تۇرىمەن تولىقتىردى
بۇل تۋرالى قىتاي حالىق رەسپۋبليكاسىنىڭ ەڭبەك رەسۋرستارى جانە الەۋمەتتىك قامسىزداندىرۋ مينيسترلىگى مالىمدەدى، دەپ حابارلايدى قازاقپارات «شينحۋا» اگەنتتىگىنە سىلتەمە جاساپ.
مينيسترلىك مالىمەتىنشە، جاڭا كاسىپ تۇرلەرىن قوسا العاندا، جاقىندا ناقتىلانعان تىزىمدەگى ماماندىقتاردىڭ جالپى سانى 1639 بولدى.
جاڭارتىلعان تىزىمدە تسيفرلىق سەكتورلارعا قاتىستى 97 ماماندىق بار. سونداي-اق، كريپتوگرافيالىق ينجەنەريا، پارنيكتىك گازدار شىعارىندىلارىن رەتتەۋ جانە قارجىلىق تەحنولوگيالار سياقتى ەلدە دامىپ كەلە جاتقان سالالارعا قاتىستى كاسىپتەر دە ەنگىزىلگەن.
مينيسترلىكتەن اتاپ وتكەندەي، ەلدە جاڭا ماماندىقتاردىڭ ۇلتتىق ستاندارتتارىن ازىرلەۋ جانە مامانداردى كوپتەپ دايىنداۋ ءۇشىن كاسىپتىك وقىتۋ كۋرستارىن اشۋعا كۇش سالىندى.
اگەنتتىك حابارلاعانداي، قىتايدا تسيفرلىق ەكونوميكا ءساتتى دامىپ كەلەدى. 2021 -جىلدىڭ اياعىندا ونىڭ كولەمى 45,5 تريلليون يۋانعا (شامامەن 6,4 تريلليون دوللار) جەتتى.