انتيرەكورد: ەلىمىزدە ءبىر كۇندە 158 ناۋقاس كوروناۆيرۋس پەن پنەۆمونيادان قايتىس بولدى

نۇر-سۇلتان. قازاقپارات – ق ر دەنساۋلىق ساقتاۋ مينيسترلىگى سوڭعى تاۋلىكتە كوروناۆيرۋستان كوز جۇمعاندار ستاتيستيكاسىن جاريالادى.

وعان سايكەس 3-تامىز كۇنى قازاقستان اۋماعىندا 125 ادام - كوروناۆيرۋستان، تاعى 33 ادام - پنەۆمونيادان قايتقان. كوروناۆيرۋستان اجال قۇشقانداردىڭ ىشىندە ەڭ كوبى نۇر-سۇلتاندا - 23 ادام جانە شىمكەنت قالاسىندا تىركەلىپ وتىر - 19 ناۋقاس.

قاراعاندى وبلىسىندا - 17، شىمكەنت قالاسى مەن ماڭعىستاۋ وبلىسىندا - 10 ادامنان، اتىراۋ وبلىسىندا - 12، پاۆلودار وبلىسىندا - 9، اقمولا وبلىسىندا - 7، اقتوبە وبلىسىندا - 5، باتىس قازاقستان وبلىسىندا - 4، قىزىلوردا جانە جامبىل وبلىستارىندا - 3، شىعىس قازاقستان وبلىسىندا - 2، قوستاناي وبلىسىندا ءبىر ادام كوز جۇمعان.

ەلىمىزدىڭ بارلىق وڭىرىندە دەرلىك قايعىلى جاعدايلار بولعان. تەك الماتى، تۇركىستان جانە سولتۇستىك قازاقستان وبلىستارىندا عانا كوروناۆيرۋستان ەشكىم كوز جۇمعان جوق.