جامبىلدا جىل باسىنان بەرى 155 ادام سۋيتسيد جاساعان

تاراز. قازاقپارات - جامبىل وبلىسىندا جىل باسىنان بەرى 155 ادام ءوز-وزىنە قول جۇمساپ، ومىرمەن قوش ايتىسقان، - دەپ حابارلايدى قازاقپارات.

سۋيتسيدكە بارعان 155 ادامنىڭ 9 ى بالالار.

وبلىستىق ءبىلىم باسقارماسىنىڭ مالىمەتىنە سۇيەنسەك قايعىلى وقيعالار نەگىزىنەن شۋ، سارىسۋ، جامبىل اۋداندارىندا تىركەلگەن. سونىمەن بىرگە ولاردىڭ قاتارىندا ءۇش كوللەدج ستۋدەنتى بار.

مامانداردىڭ ايتۋىنشا، مۇنداي قادامعا كوبىنەسە 15 پەن 17 جاس ارالىعىنداعى جەتكىنشەكتەر بارادى ەكەن. سوڭعى ءۇش جىلدا وبلىستاعى 26 جەتكىنشەك وسىنداي جولمەن باقيعا اتتانعان.

«جەتكىنشەكتەردىڭ سۋيتسيدكە بارۋىنىڭ سەبەپتەرىن انىقتاعان كەزدە ىشكى ىستەر ورگاندارىنا 80 پايىزى بەلگىسىز بولىپ تانىلعان. ال قالعان 20 پايىزى اتا-اناسىنا، اقشاعا بايلانىستى، سونداي- اق، جاقسى كورەتىن ادامىنا دەگەن رەنىش سالدارىنان بولعاندىعى انىقتالعان»، - دەدى وبلىستىق ءبىلىم باسقارماسىنىڭ ءبولىم باسشىسى گۇلزيرا دارىبايەۆا.