قاڭتار-اقپاندا قازاقستاندا 153 مىڭنان استام جەڭىل كولىك تىركەلدى
بۇل جايىندا ق ر ۇ ە م ستاتيستيكا كوميتەتىنەن ءمالىم ەتتى، دەپ حابارلايدى قازاقپارات ءتىلشىسى.
«2019-جىلعى قاڭتار-اقپاندا قازاقستان رەسپۋبليكاسىندا 153792 جەڭىل اۆتوموبيل تىركەلگەن نەمەسە وتكەن جىلعى ءتيىستى كەزەڭمەن سالىستىرعاندا 13,7 پايىزعا كوپ. قازاقستان رەسپۋبليكاسىندا 2019-جىلعى 1- ناۋرىزداعى جاعداي بويىنشا تىركەلگەن جەڭىل اۆتوموبيلدەردىڭ سانى 3669,3 مىڭ بىرلىكتى قۇرادى»، - دەپ اتاپ وتەدى كوميتەتتەن.
ۆەدومستۆو مالىمەتىنشە، اعىمداعى جىلعى قاڭتاردا 2682 ادام زارداپ شەككەن 1785 جول-كولىك وقيعاسى تىركەلدى. وتكەن جىلعى ءتيىستى كەزەڭمەن سالىستىرعاندا جول اپاتى 7,2 پايىزعا ازايدى. 2019-جىلعى 1- ناۋرىزداعى جاعداي بويىنشا ساقتاندىرۋ ۇيىمدارى كولىك قۇرالدارى يەلەرىنىڭ ازاماتتىق-قۇقىقتىق جاۋاپكەرشىلىكتى مىندەتتى ساقتاندىرۋ بويىنشا 4,6 ميلليارد تەڭگە سوماسىنا 12133 ساقتاندىرۋ تولەمىن جۇزەگە اسىردى.
اۆتور: مارلان جيەمباي