پاريجدە احمەت بايتۇرسىن ۇلىنىڭ 150 جىلدىق مەرەيتويىنا ارنالعان «دوڭگەلەك ۇستەل» وتەدى
3 قازان, 18:18

پاريجدە احمەت بايتۇرسىن ۇلىنىڭ 150 جىلدىق مەرەيتويىنا ارنالعان «دوڭگەلەك ۇستەل» وتەدى

استانا. قازاقپارات - پاريجدە احمەت بايتۇرسىن ۇلىنىڭ 150 جىلدىق مەرەيتويىنا ارنالعان «دوڭگەلەك ۇستەل» وتەدى.

بۇل تۋرالى ق ر س ءى م رەسمي وكىلى ايبەك سمادياروۆ ايتتى، دەپ حابارلايدى قازاقپارات ءتىلشىسى.

«4- قازان كۇنى پاريج قالاسىنداعى يۋنەسكو شتاب-پاتەرىندە كورنەكتى قوعام قايراتكەرى، لينگۆيست جانە جازۋشى احمەت بايتۇرسىن ۇلىنىڭ 150 جىلدىق مەرەيتويىنا ارنالعان «دوڭگەلەك ۇستەل» وتەدى. ءىس-شاراعا قازاقستان عىلىم جانە جوعارى ءبىلىم ۆيتسە-ءمينيسترى تالعات ەشەنقۇلوۆ، يۋنەسكو باس ديرەكتورىنىڭ ورىنباسارى، سونىمەن بىرگە ازەربايجان، قازاقستان، تۇركيا جانە گەرمانيادان عالىمدار قاتىسادى»، - دەدى ول مينيسترلىكتە وتكەن اپتالىق بريفينگ بارىسىندا.

ايبەك سمادياروۆتىڭ دەرەگىنشە، سول كۇنى وپەرا جانە ەسترادا ءانشىسى روزا باعلانوۆانىڭ 100 جىلدىق مەرەيتويىنا وراي، «سازگەن سازى» ەتنو-فولكلورلىق ءانسامبلى، حالىق ءارتىسى نۇرجامال ۇسەنبايەۆا، قازاقستاننىڭ ەڭبەك سىڭىرگەن قايراتكەرلەرى مەدەت چوتابايەۆ، جۇبانىش جەكسەن ۇلى، رەنات گايسين، سونداي-اق حالىقارالىق بايقاۋلار لاۋرەاتى ەركە ەسماحاننىڭ قاتىسۋىمەن سالتاناتتى كونسەرت بولادى.

ەستەرىڭىزگە سالا كەتەيىك، وتكەن جىلى يۋنەسكو باس كونفەرەنتسياسىنىڭ 41-سەسسياسىندا بۇل ەكى ماڭىزدى كۇن يۋنەسكونىڭ 2022-2023-جىلدارعا ارنالعان اتاۋلى كۇندەر تىزىمىنە ەنگىزىلگەن ەدى.

جاڭالىقتار