USD 425.02 EUR 450.1
RUB 7.17 CNY 63.75
جاڭالىقتار

قازاقستان حالقىنا قورىنا شامامەن 150 ميلليارد تەڭگە ءتۇسۋى مۇمكىن - بولات جامىشيەۆ

22 قاڭتار 16:59
:ءبولىسۋ
قازاقستان حالقىنا قورىنا شامامەن 150 ميلليارد تەڭگە ءتۇسۋى مۇمكىن - بولات جامىشيەۆ

نۇر- سۇلتان. قازاقپارات - «قازاقستان حالقىنا» قورىنىڭ باسقارما ءتوراعاسى بولات جامىشيەۆ قورعا تۇسكەن قاراجات ەسەبىنەن ەلدىڭ الەۋمەتتىك پروبلەماسىن تولىقتاي شەشۋ مۇمكىن ەمەستىگىن جەتكىزدى.

سونداي- اق، قور باسشىسى ءتۇسىپ جاتقان قارجىنىڭ الدىمەن قايدا جۇمسالاتىنىن ايتتى، دەپ حابارلايدى قازاقپارات ءتىلشىسى.

«بارشانىڭ نازارىنا تاعى ءبىر قايتالاپ ايتقىم كەلەدى. قور ەسەبىنەن بۇكىل الەۋمەتتىك ماسەلەنى شەشۋ مۇمكىن ەمەس. ياعني، ەلدەگى كەدەيلىك، جۇمىسسىزدىق قور جۇمىسى ارقىلى شەشىلمەيدى. ارينە، قايىرىمدىلىق ەسەبىنەن بەلگىلى ءبىر كولەمدە مۇقتاج جانداردىڭ پروبلەماسىن شەشۋگە بولادى. ءبىز قولدان كەلگەنشە بارشانى قامتۋعا تىرىسامىز، دەگەنمەن كومەك الدىمەن اسا مۇقتاج جاندارعا باعىتتالادى»، - دەدى بولات جامىشيەۆ و ك ق- دە ونلاين وتكەن باسپا ءسوز ءماسليحاتىندا.

ونىڭ ايتۋىنشا، قورعا قارجى اۋدارعان ءار ادامنىڭ ونىڭ قايدا جۇمسالىپ جاتقانى تۋرالى بىلۋگە تولىق قۇقىعى بار.

«قوردىڭ جۇمىسى اشىق جۇرگىزىلەدى. قور قىزمەتىنە قاتىستى بارلىق اقپاراتتار ءبىزدىڭ سايتتا جاريالانادى. ياعني، قانشا قارجى ءتۇسىپ جاتىر، ول قايدا جۇمسالىپ جاتىر بارلىعى اشىق كورسەتىلەدى. اشىقتىق - ءبىز كوزدەپ وتىرعان باسىم باعىتتىڭ ءبىرى»، - دەيدى ول.

- قوردا شامامەن 100 ميلليارد تەڭگە بولادى دەپ سانايمىز جانە وسى 100 ميلليارد نەگىزگى جانە ماڭىزدى ماسەلەلەردى شەشۋگە جۇمسالۋى ءتيىس. سونىمەن قاتار تاعى 50 ميلليارد تەڭگە باسقا دا ەكىنشى كەزەكتەگى مىندەتتەردى ورىنداۋعا جۇمسالماق. ول كەزگە دەيىن قورعا 150 ميلليارد تەڭگەگە دەيىن ءتۇسۋى مۇمكىن، دەيدى «قازاقستان حالقىنا» قورىنىڭ باسقارما ءتوراعاسى بولات جامىشيەۆ.


:ءبولىسۋ
سونداي-اق... وقىڭىز
پئكئر قالدئرؤ
+7
جئبةرؤ

مۇراعات