10:45, 14 - مامىر 2021 | GMT +6
جامبىلدا زاڭسىز بالىق اۋلاعان 150 دەن استام بالىقشى ۇستالدى
تاراز. قازاقپارات - جامبىل وبلىسىنىڭ اۋماعىندا «ۋىلدىرىق -2021» جەدەل- الدىن الۋ ءىس- شاراسى ءوتىپ جاتىر، دەپ حابارلايدى قازاقپارات ءتىلشىسى.
ءىس- شارانىڭ ماقساتى - بالىق جانە بالىق رەسۋرستارىن زاڭسىز وندىرۋگە، تاسىمالداۋعا جانە ساتۋعا بايلانىستى قۇقىقبۇزۋشىلىقتار مەن ەكولوگيالىق قىلمىستاردىڭ الدىن الۋ جانە انىقتاۋ.
- ءىس- شارانىڭ 27 كۇنىندە جامبىلدىق پوليسەيلەر بالىقتى زاڭسىز اۋلاۋدىڭ 154 اكىمشىلىك قۇقىق بۇزۋشىلىق دەرەگىن انىقتادى. 106 ادامعا قاتىستى جالپى سوماسى ەكى ميلليون تەڭگەگە جۋىق اكىمشىلىك ايىپپۇل سالىندى، ونىڭ 800000 تەڭگەدەن استامى ءوندىرىلدى، - دەپ حابارلادى جامبىل وبلىسىنىڭ پ د ج پ ق ب باستىعى، پوليسيا پولكوۆنيگى راحىمبەردى اشكەيەۆ.
«ۋىلدىرىق» جەدەل- الدىن الۋ شاراسى كەزىندە پوليسەيلەر قۇقىق بۇزۋشىلاردان 50 كەلىدەن استام بالىق، 550 مەتر سينتەتيكالىق مونوتالشىق تورى، تىيىم سالىنعان 6 زات (قولدان جاسالعان بالىق ۇستايتىن شانىشقى) جانە ءبىر رەزەڭكە قايىق تاركىلەگەن.