قازاق بالۋانى قاجىمۇقاننىڭ 150 جىلدىعىنا ارناپ تۇيە كوتەردى

None
None
نۇر-سۇلتان. قازاقپارات - بەلگىلى اتلەت، ءتۇرلى ەكستريمالدى جاتتىعۋلار بويىنشا الەم رەكوردىن جاڭارتقان قازاق بالۋانى تەمىر سىپاتايەۆ قاجىمۇقاننىڭ 150 جىلدىق مەرەيتويىنا ارناپ تاعى ءبىر رەكورد جاسادى، دەپ حابارلايدى قازاقپارات ءتىلشىسى.

«قازاقتىڭ داڭقتى بالۋانى، كۇش اتاسى - قاجىمۇقان اتامىزدىڭ 150 جىلدىعىنا وسى رەكوردىمدى ارنايمىن، اللا رازى بولسىن بارشالارىڭىزعا»، - دەپ جازدى بالۋان Instagram-داعى پاراقشاسىندا.

ۇسىنىلعان ۆيدەودان بالۋاننىڭ تۇيەنى كوتەرگەن بويى 30 قادامداي ءجۇرىپ وتكەنىن كورۋگە بولادى.

تەمىر سىپاتايەۆ وسىعان دەيىن K-700، كاماز، پويىز سياقتى اۋىر تەحنيكالاردى سۇيرەپ، وگىز كوتەرىپ جۇرتتى تاڭعالدىرعان بولاتىن.

ايتا كەتەيىك، تاعى ءبىر وتانداسىمىز تاعا يۋدەن قازاقستان رەكوردىن جاڭارتىپ، ول ارەكەتىن قاجىمۇقاننىڭ مەرەيتويىنا ارنادى.

ەسكە سالساق، بيىلعى 3- اقپاننان باستاپ قاجىمۇقاننىڭ 150 جىلدىعىنا وراي رەسپۋبليكالىق ۆيدەوچەللەندج باستاۋ العان بولاتىن. تەمىر سىپاتايەۆتىڭ رەكوردى سول چەلەندجدى جاڭا دەڭگەيگە شىعارىپ وتىر.

رەسمي قۇجاتتارعا سۇيەنسەك، 7- ءساۋىر كۇنى قازاقتىڭ ايگىلى بالۋانى قاجىمۇقان مۇڭايتپاس ۇلىنىڭ تۋعانىنا 150 جىل تولدى. قاجىمۇقان مۇڭايتپاس ۇلىنىڭ 150 جىلدىعىنىڭ اشىلۋ ءراسىمى 10- اقپان كۇنى ق. مۇڭايتپاس ۇلى اتىنداعى وليمپيادا رەزەرۆىنىڭ مامانداندىرىلعان رەسپۋبليكالىق مەكتەپ-ينتەرنات-كوللەدجىندە مادەنيەت جانە سپورت ءمينيسترى اقتوتى رايىمقۇلوۆانىڭ قاتىسۋىمەن ءوتتى.

بىلتىر كۇزدە ورداباسى اۋدانىندا قاجىمۇقان مۇڭايتپاس ۇلى اتىنداعى سپورت كەشەنى سالىناتىنى حابارلانعان ەدى. ال تۇركىستان وبلىسىنىڭ اكىمى ءومىرزاق شوكەيەۆ بالۋاننىڭ مەموريالدىق كەشەنى بيىل سالىنا باستايتىنىن ايتتى.



سوڭعى جاڭالىقتار