قاجىمۇقاننىڭ 150 جىلدىعى: تاعا يىۋدەن قازاقستاننىڭ رەكورتى جاڭارتىلدى - ۆيدەو
شاراعا سپورت جانە دەنە شىنىقتىرۋ ىستەرى كوميتەتىنىڭ ءتوراعاسى سەرىك ساپيەۆ جانە اقمولا وبلىسى اكىمىنىڭ ورىنباسارى اينا ءمىسىرالىموۆا قاتىسىپ، قۇتتىقتاۋ ءسوز سويلەدى. الدىمەن جينالعاندار قاجىمۇقان اۋىلىندا بالۋاننىڭ ەسكەرتكىشىنە گۇل شوقتارىن قويدى.
سونىمەن قاتار، شاراعا جينالعاندار قاجىمۇقاننىڭ ءىزباسارى كۇش جاتتىعۋىنان الەمنىڭ ءتورت دۇركىن رەكوردشىسى، قازاقستاننىڭ ون ەكى دۇركىن رەكوردشىسى اقمولالىق سەرگەي سىرۋلنيكوۆتىڭ ونەرىن تاماشالادى. ول ءار بىرەۋى 1000 كەلىدەن استام سالماققا دەس بەرمەيتىن ءتورت بىردەي تاعانى 37 سەكۋند ىشىندە ءيىپ، قازاقستاننىڭ رەكوردىن ورناتتى. رەكوردتى قازاقستاننىڭ رەكوردتار كىتابىنىڭ وكىلى قۋاندىق قۇدايبەرگەنوۆ تىركەپ، رەكوردشىعا سەرتيفيكاتىن تابىس ەتتى.
اتالمىش رەكورد 2009 -جىلى ەۋروپا ەلىندە ورناتىلدى. وندا اتلەت قوس بىردەي تاعانى 49 سەكۋند ىشىندە يگەن بولاتىن.
ايتا كەتەيىك، سەرگەي سىرۋلنيكوۆ - اقمولا وبلىسى شورتاندى اۋدانىنىڭ تۋماسى. كۇش ونەرى بويىنشا 4 دۇركىن الەمدىك رەكوردشى، ۆولەيبول جانە پاۋەرليفتينگ بويىنشا سپورت شەبەرى، كىر تاسىن كوتەرۋ بويىنشا سپورت شەبەرىنە ۇمىتكەر، قازاقتىڭ اتاقتى بالۋانى قاجىمۇقان مەن بالۋان شولاقتىڭ ءداستۇرىن جالعاستىراتىن ءبىرقاتار قاۋىپتى، كۇردەلى تريۋكتەردى ورىنداۋشى.
ق ر مەملەكەتتىك گۆاردياسىنىڭ بۇرىنعى وفيتسەرى. 2017 -جىلى ول ءارتۇرلى باعىتتاردا ءتورت ادام تارتىپ تۇرعان اتتاردى كوتەرۋ ارقىلى وتە ءقاۋىپتى تريۋك كورسەتكەن بولاتىن. وسى قويىلىم ارقىلى ول قازاقستاننىڭ رەكوردتار كىتابىنا ەندى. 2018 -جىلى ول سالماعى 148 توننالىق ماشينا بار ديزەلدى تەپلوۆوزدى بىرنەشە مەترگە سۇيرەگەن بولاتىن.