+7 (701) 759 90 19
3 °С : نۇر-سۇلتان
15 °С : الماتى
USD 428.05 EUR 501.2
RUB 5.47 CNY 63.87
جاڭالىقتار

دارىگەرلەرگە ۇستەمەاقى تولەۋگە قوسىمشا 150 ميلليارد تەڭگە بولىنەدى - پرەزيدەنت

25 قىركۇيەك 21:14
:ءبولىسۋ
دارىگەرلەرگە ۇستەمەاقى تولەۋگە قوسىمشا 150 ميلليارد تەڭگە بولىنەدى - پرەزيدەنت

الماتى. قازاقپارات - مەديتسينا ماماندارىنا ۇستەمەاقى تولەۋگە ەكىنشى جارتىجىلدىقتا قوسىمشا 150 ميلليارد تەڭگە بولىنەدى.

بۇل تۋرالى پرەزيدەنت قاسىم-جومارت توقايەۆ ايتتى، دەپ حابارلايدى قازاقپارات.

«الماتىداعى جۇقپالى اۋرۋلار اۋرۋحاناسىنىڭ جاڭا فيليالىنا باردىم. كوروناۆيرۋستىڭ ەكىنشى تولقىنىنىڭ قاۋپىن ەسكەرە وتىرىپ، دەنساۋلىق ساقتاۋ سالاسىنا باسا ءمان بەرىلەتىن بولادى. ەكىنشى جارتىجىلدىقتا دارىگەرلەردىڭ ۇستەمە تولەماقىسى ءۇشىن قوسىمشا 150 ميلليارد تەڭگە بولىنەدى»، - دەپ جازدى مەملەكەت باسشىسى Twitter- دە.

ەسكە سالايىق، بۇگىن مەملەكەت باسشىسى جۇمىس ساپارىمەن الماتى قالاسىنا كەلدى.

ق. توقايەۆ شاھارعا ساپارىن ي. جەكەنوۆا اتىنداعى قالالىق كلينيكالىق جۇقپالى اۋرۋلار اۋرۋحاناسىنىڭ جاڭا فيليالىن ارالاپ كورۋدەن باستادى.

مەملەكەت باسشىسى اتاپ وتكەندەي، 2023-جىلعا قاراي مەديتسينا قىزمەتكەرلەرىنىڭ ەڭبەكاقىسىن بۇكىل ەكونوميكاداعى ورتاشا جالاقىدان ەكى ەسە جوعارى دەڭگەيگە جەتكىزۋ مىندەتى قويىلدى.

«العاشقى مەديتسينالىق سانيتارلىق جاردەم بەرۋ ءىسىن دامىتۋعا باسا ءمان بەرىلەدى. وكىنىشكە قاراي، ءبىز بۇل سالاعا ۋاقىتىندا نازار اۋدارمادىق. ەپيدەميا مۇنداي ءىس-قيمىلداردىڭ قاتە ەكەنىن كورسەتتى. قازىر جىبەرگەن قاتەلىكتەرگە دۇرىس كوڭىل ءبولىپ، ولاردى تۇزەتۋىمىز كەرەك. ارينە، مەديتسينا ءاردايىم باستى نازارىمىزدا بولادى»، - دەدى ول.

سونداي-اق ق ر پرەزيدەنتى كوروناۆيرۋستىڭ ىقتيمال جاڭا تولقىنىنا دايىن بولۋدىڭ ماڭىزدىلىعىن ايتتى. وسى رەتتە ازاماتتارىمىزدىڭ ءومىرى مەن دەنساۋلىعىن ساقتاۋ ءۇشىن بارلىق رەسۋرستى جۇمىلدىرۋ قاجەت.


:ءبولىسۋ
پئكئر قالدئرؤ
+7
جئبةرؤ
ونلاين قىزمەتكەرلەر
رەداكتور
باقىتجول كاكەش
باقىتجول كاكەش
954-049
رەداكتور
ريزابەك نۇسىپبەك
ريزابەك نۇسىپبەك
954-049
رەداكتور
بەيسەن سۇلتان
بەيسەن سۇلتان
954-049

مۇراعات