شيرەك عاسىر بۇرىن ابايدىڭ 150 جىلدىعى قالاي تويلاندى؟

None
None
نۇر-سۇلتان. قازاقپارات - ق ر پرەزيدەنتى تەلەراديوكەشەنىنىڭ Telegram كانالىندا ابايدىڭ 150 جىلدىعى تۇسىرىلگەن 1995-جىلعى ۆيدەو جاريالاندى، دەپ حابارلايدى قازاقپارات ءتىلشىسى.

«ابايدىڭ مەرەيتويى 25 جىل بۇرىن قالاي تويلاندى؟» دەگەن تاقىرىپپەن جاريالانعان ۆيدەودا ەلباسى نۇرسۇلتان نازاربايەۆتىڭ سەمەيگە، اباي اۋدانىنا كەلگەنىن كورۋگە بولادى.

«ەسكە ءتۇسىرىپ كورەلىك. ارحيۆتەن قازاقتىڭ ۇلى اعارتۋشىسىنىڭ 150 جىلدىعى تويلانعان بىرەگەي كادرلاردى تاۋىپ الدىق. 1995-جىلدى يۋنەسكو اباي جىلى دەپ جاريالاعان ەدى. سول كەزدە ابايدىڭ 150 جىلدىعى الەمنىڭ 25 ەلىندە اتالىپ وتكەن»، - دەپ حابارلايدى ق ر پرەزيدەنتى تەلەراديوكەشەنىنەن.

ەسكە سالا كەتسەك، بيىل ابايدىڭ 175 جىلدىق مەرەيتويى. ۇلى اقىندى بولاشاق ۇرپاققا دارىپتەۋ، ەڭبەگىن ۇلىقتاۋ ماقساتىندا ەلدە ءبىرشاما ءىس اتقارىلىپ جاتىر. وڭرىلەردە اقىننىڭ ەسكەرتكىشتەرى بوي كوتەرىپ، ابايدىڭ ەڭبەكتەرى شەت تىلدەرىنە اۋدارىلۋدا.

سونىمەن قاتار تاياۋدا مادەني-اعارتۋ باعىتىنداعى «اباي» تەلەارناسىنىڭ تۇساۋى كەسىلگەن بولاتىن.



سوڭعى جاڭالىقتار