الەمدە 150 ميلليون بالانىڭ دامۋىندا كەشەۋىل بار

نۇر-سۇلتان. قازاقپارات - الەمدە 5 جاسقا دەيىنگى ءار ءۇشىنشى بالا تويىپ تاماق ىشپەيدى.

التى اي مەن ەكى جاس ارالىعىنداعى بالالاردىڭ ۇشتەن ەكىسى قاجەتتى ءنارلى تاعامداردى جەمەيدى، دەپ حابارلايدى UNICEF.

ب ۇ ۇ بالالار قورىنىڭ مالىمەتتەرىنە سەنسەك، دۇرىس تاماقتانباۋ سالدارىنان الەمە 150 ميلليون بالانىڭ دامۋىندا كەشەۋىل بار، ال 50 ميلليون بالا ارتىق سالماققا شالدىققان.

سونىمەن قاتار ماماندار مەكتەپ جاسىنداعى بالالاردىڭ جارتىلاي فابريكات پەن فاستفۋدتى كوپ تۇتىناتىنىن اتاپ وتكەن. سونىڭ كەسىرىنەن 5 پەن 19 جاس ارالىعىنداعى ءار بەسىنشى بالادا ارتىق سالماق بايقالعان. بۇل پروبلەمالاردى شەشۋ ءۇشىن يۋنيسەف بالالارعا ارنالعان تاماق ونىمدەرىنىڭ جارناماسىن ازايتۋدى قولعا الۋ كەرەكتىگىن ايتتى.

«الەمدە تەحنولوگيالىق، مادەني جانە الەۋمەتتىك پروگرەسس بار، سوعان قاراماستان بالالاردىڭ ءومىر ءسۇرۋ ساپاسى ءالى دە كوڭىل كونشىتپەيدى. ميلليونداعان بالا باسقا تاڭداۋى بولماعاندىقتان پايداسىز راتسيوندى تۇتىنۋعا ءماجبۇر»، - دەيدى يۋنيسەف باسشىسى گەنريەتتا فور.

اۆتور: ايكۇمىس بولاتبەك