الماتى وبلىسى ارىستىڭ 150 بالاسىن جازعى لاگەرگە قابىلداۋعا دايىن - اكىمدىك
سونداي-اق ەرتەڭ تۇركىستان وبلىسىنا 8 اۋىر جۇك كولىگى گۋمانيتارلىق كومەك جەتكىزۋ ماقساتىندا جولعا شىعادى، دەپ حابارلايدى قازاقپارات ءتىلشىسى.
«الماتى وبلىسى ارىستاعى اعايىنعا قولدان كەلگەن كومەكتى كورسەتۋگە دايىن. جەتىسۋ ءوڭىرى ارىستاعى 150 بالانىڭ جازعى دەمالىسىن جاقسى وتكىزۋ ماقساتىندا لاگەرگە قابىلدايمىز. سونىمەن قاتار ەرتەڭ 8 اۋىر جۇك كولىگى تۇركىستان وبلىسىنا گۋمانيتارلىق كومەكتى جەتكىزەدى»، - دەدى الماتى وبلىسى اكىمىنىڭ باسپا ءسوز قىزمەتىنىڭ جەتەكشىسى عالىمۇرات جۇكەل.
ەستەرىڭىزگە سالا كەتەيىك، الماتى وبلىسىنداعى مەملەكەتتىك قىزمەتشىلەر، ۆەدومستۆولىق جانە بيۋدجەتتىك مەكەمە جۇمىسشىلارى ارىس تۇرعىندارىنا قولداۋ كورسەتۋ ماقساتىندا بىركۇندىك جالاقىسىن اۋداراتىنىن بۇعان دەيىن حابارلاعانبىز.
سونداي-اق وڭىردە #جەتىسۋارىسپەنبىرگە حەشتەگى اياسىندا ءتۇرلى قايىرىمدىلىق اكسيالارى ۇيىمداستىرىلۋدا.