جالاعاشتا بۇقارباي باتىردىڭ 150 جىل بۇرىنعى قىلىشى ساقتاۋلى تۇر
بۇقارباي باتىر 1822-جىلى جالاعاش اۋدانى اۋماعىندا دۇنيەگە كەلىپ، 1898-جىلى سول ماڭداعى قاراوزەك وزەنى بويىندا ومىردەن وتكەن. كەنەسارى جەتەكشىلىك ەتكەن كوتەرىلىسكە قاتىسىپ، ۇلت-ازاتتىق جولىندا ەرجۇرەكتىك قاسيەتىن كورسەتكەن.
بۇگىنگى تاڭدا جالاعاش اۋدانىندا بۇقارباي باتىر اۋىلى بار. وندا قاس دۇشپانعا قاسقايىپ قارسى شاپقان باھادۇرگە ارنالعان مۋزەي ءۇيى ورىن تەپكەن. سول تاريحي ۇيدە كونەنىڭ كوزىندەي بولعان جادىگەر ەرەكشە نازار اۋدارتادى. ول - باتىردىڭ كەزىندە تالاي دۇشپانعا اجال قۇشتىرعان قايقى قىلىشى.
بۇل جونىندە تاريحي ورىننىڭ قىزمەتكەرى مەرەكە الدابەرگەن قىزى قاجەتتى دەرەكتەردى ايتىپ بەرەدى. قايقى قىلىش كۇنى كەشە پايدالانعان دۇنيە سەكىلدى كورىنەدى. اتالمىش جادىگەردىڭ ەشبىر جەرىنەن شىرىگەنى بايقالا قويمايدى. كۇنى كەشە عانا پايدالانىلعان سەكىلدى. ءجۇزىنىڭ دە مايىرىلعان جەرى جوق.
«بۇل جادىگەردى بۇقارباي باتىردىڭ شوبەرەسى جولامان الدانازاروۆ وتكىزدى. بولاتتان جاسالعان بۇل دۇنيەدە ەشقانداي ويۋ-ورنەكتىڭ ءىزى بايقالمايدى»، - دەيدى مەرەكە الدابەرگەن قىزى.
ءجۇزىنىڭ باس جاعى ازداپ ويىڭقى كورىنەدى. سول تۇسى ءجيى-ءجيى قايراققا تۇسكەن بولۋى مۇمكىن. قىلىشتىڭ اتالعان تۇسى سوعىس كەزىندە جاۋعا پايدالانىلعان. قىلىش اعاشتان جاسالعان قىندا تۇر. قىننىڭ قىلىش سالاتىن بۇيىم ەكەنىن حالىق جاقسى بىلەدى.