اقتوبەنىڭ 150 جىلدىعىنا وراي كاسىپقوي بوكس كەشى وتەدى
بۇل تۋرالى ۆكونتاكتە الەۋمەتتىك جەلىسىندە «قازاقستاننىڭ كاسىپقوي بوكسى» پاراقشاسىندا جازىلدى، دەپ حابارلايدى قازاقپارات.
كاسىپقوي بوكس كەشىن Tukeshov Boxing Promotions پروموۋتەرلىك كومپانياسى ۇيىمداستىرۋدا.
تۋرنير اياسىندا پروفي-رينگتەگى العاشقى ايقاسىن 23 جاستاعى ەلوردالىق بوكسشى ەربولات ەرمەكوۆ وتكىزەدى. ول ەكى مارتە قازاقستان چەمپيونى بولعان، سونداي-اق ەل نامىسىن الەم بىرىنشىلىگىندە قورعاعان. ونىڭ قارسىلاسى - شىمكەنتتىك مەيىربەك سابىروۆ. كاسىپقوي رينگتە ءۇش جەڭىسى بار. رەيتينگىلىك جەكپە-جەك جارتىلاي ورتا سالماقتا (66,7 كەلى) وتەدى.
سونداي-اق ءبىرىنشى ورتا سالماقتا (58,9 كەلى) قازاقستاندىق پولات ءابدىقاسىلوۆ پەن رەسەيلىك ۆلاديسلاۆ ياكوۆليەۆتىڭ ايقاستارى جوسپارلانعان. ءابدىقاسىلوۆ كاسىپقوي بوكستاعى العاشقى جەكپە-جەگىن وتكەن جىلدىڭ 15- قىركۇيەگى كۇنى اقتوبەدە Tukeshov Boxing Promotions كومپانياسى ۇيىمداستىرعان كەشتە وتكىزگەن ەدى.
سپورتشىمىزدىڭ قارسىلاسى - وزبەكستاندىق ءباحادۇر تيللويەۆتى ەكىنشى راۋندتا تەحنيكالىق نوكاۋتپەن جەڭدى.
ىرىكتەۋ تۋرنيرلەرىنەن كەيىن كەلەشەگىنەن ءۇمىت كۇتتىرەتىن بوكسشىلار Tukeshov Boxing Promotions كومپانياسىنىڭ قۇرامىنا ەنەدى جانە الداعى ۋاقىتتا ەلىمىز اتىنان الەمدىك ارەنالاردا ونەر كورسەتپەك.
«جەكپە-جەك» سپورت كەشەنىندە وتەتىن بوكس شوۋىن تانىمال اكتەر، «كەيكى مەرگەن» فيلمىندە كەيكى باتىر ءرولىم سومداعان دارحان سۇيلەمەنوۆ جۇرگىزەدى.
ءمالىم بولعانداي، بيلەتتەر قۇنى - 1000 تەڭگە. تۇسكەن بارلىق اقشالار «حارەكەت» قايىرىمدىلىق قورىنا اۋدارىلادى.