دارىندى دالا بۇلبۇلى ەستاي بەركىمباي ۇلىنىڭ 150 جىلدىق مەرەيتويى اۋليەكول جاعاسىندا تويلاندى
دەپ حابارلايدى قازاقپارات pavlodarnews.kz سايتىنا سىلتەمە جاساپ.
مەرەيتوي اياسىندا ۇلتتىق ساز- اسپاپتارىندا وينايتىن مۋزىكانتتاردىڭ رەسپۋبليكالىق فەستيۆالى، زيالى قاۋىمنىڭ شىعارماشىلىق ديالوگ الاڭى، جەرگىلىكتى جانە وتاندىق ونەرپازداردىڭ كونسەرتى، سونداي- اق ۇلتتىق سپورت تۇرلەرىنەن جارىستار ءوتتى. شاراعا ارنايى 30 كيىز ءۇي بوي كوتەردى. مەرەيتويعا بارلىعى ءۇش مىڭعا جۋىق ادام قاتىستى.
پاۆلودار وبلىسىنىڭ اكىمى بولات باقاۋوۆ ەستاي بەركىمبايەۆتىڭ ءان الەمىندە شوقتىعى بيىك تۇلعا ەكەنىن اتاپ ءوتتى.
«ەستاي بەركىمباي ۇلى ەل تاريحىندا ەرەكشە ورىن العان، اندەرى التى اۋىزعا تاراعان تالانتتى دارىن يەسى. بۇگىنگى كۇنى ماحابباتتىڭ سيمۆولىنا اينالعان «قۇسني قورلان» ءانىن بىلمەيتىن ادام كەمدە- كەم. ەلىنە وشپەس ونەر، اسىل مۇرا قالدىرعان ەستاي اقىننىڭ ورنى قازاق حالقى ءۇشىن قاشان دا ەرەكشە دەپ بىلەمىن. ەستايدىڭ ءان جىرىن كەيىنگى ۇرپاققا جەتكىزۋ - پەرزەنتتىك بورىشىمىز. ەستاي بابامىزدى زەرتتەپ، ىزدەيتىن ۇرپاعى باردا، قازاق حالقى باردا - ونىڭ مۇراسى وشپەك ەمەس»، - دەدى ايماق باسشىسى.
مەرەيتوي يەسىنىڭ قۇرمەتىنە ۇيىمداستىرىلعان ديالوگ الاڭىندا بولات باقاۋوۆ لوس اندجەلەستە وتكەن حالىقارىلىق بايقاۋدا جەڭىسكە جەتكەن «باستاۋ» دومبىراشىلار توبىن قۇتتىقتاپ، وبلىس اتىنان شەجىرە سىيلادى.
«باستاۋ» توبىندا ونەر كورسەتەتىن تەمىرلان ولجاباي - ەستاي بەركىمباي ۇلىنىڭ جيەنى. اتالمىش شارادا ۇيىمداستىرىلعان ۇلتتىق ساز- اسپاپتارىندا وينايتىن ونەرپازداردىڭ فەستيۆالى ەلدى ەرەكشە كۇيگە بولەدى. وندا قاراعاندى، پەتروپاۆل، استانا، ورال قالالارىنان كەلگەن انشىلەر مەن «قورقىت» رەسپۋبليكالىق ەتنو- فولكلورلىق ءانسامبىلى ونەر كورسەتتى.
ايتا كەتەيىك، مەرەيتوي اياسىندا وتكەن زيالى قاۋىمنىڭ ديالوگ الاڭىندا ەكىباستۇز قالاسىنداعى م. گلينكا اتىنداعى بالالار مۋزىكا مەكتەبىنە ەستاي بەركىمبايەۆتىڭ ەسىمىن بەرۋ ۇسىنىلدى. بۇل باستامانى بەلگىلى كومپوزيتور، ق ر مەملەكەتتىك سىيلىعىنىڭ لاۋرەاتى، ق ر كومپوزيتورلار وداعىنىڭ ءتورايىمى بالنۇر قىدىربەك كوتەردى.