ەلوردادا تاۋلىگىنە 1500 دەن استام كوروناۆيرۋس جۇقتىرۋ جاعدايى تىركەلەدى

None
None
نۇر- سۇلتان. قازاقپارات - ەلوردانىڭ سانيتارلىق- ەپيدەميولوگيالىق باقىلاۋ دەپارتامەنتى قالاداعى ەپيدەميولوگيالىق احۋالدى باياندادى، دەپ حابارلايدى قازاقپارات.

«ەلوردادا COVID-19 بويىنشا ەپيدەميولوگيالىق جاعداي كۇردەلى بولىپ قالۋدا. قالادا «دەلتا» ء(ۇندى) شتامىنىڭ تارالۋىنا بايلانىستى تەرىس ديناميكا ماۋسىمنىڭ ءبىرىنشى ونكۇندىگىنەن كەيىن بايقالدى. قالا بەسىنشى اي قاتارىنان «قىزىل ايماقتا» تۇر»، - دەپ جازىلعان دەپارتامەنت جاۋابىندا.

بيىلعى شىلدە ايىندا پاندەميا باستالعالى 100 مىڭ تۇرعىنعا شاققانداعى ەڭ جوعارى اپتالىق كورسەتكىش تىركەلدى جانە ول 915,9 قۇرادى.

«ورتاشا تاۋلىكتىك تىركەۋ ماۋسىم ايىندا 340 بولسا، شىلدە ايىندا 1500 گە دەيىن ءوستى. سوڭعى 16 كۇندە تاۋلىگىنە 1500 دەن استام جاعداي تىركەلۋدە، جۇقتىرعانداردىڭ ەڭ كوپ سانى 14 -شىلدەدە بايقالدى - 1576 ناۋقاس انىقتالدى. جالپى سىرقاتتانۋشىلىقتىڭ %80,6 ىن ەرەسەكتەر، بالالار -%16,7، جاسوسپىرىمدەر -%2,8. اتاپ وتكەن ءجون، كوروناۆيرۋستىڭ جاڭا ءتۇرى - دەلتا شتامى اناعۇرلىم جۇقپالى بولۋىمەن، قىسقا ينكۋباتسيالىق كەزەڭمەن ەرەكشەلەنەدى جانە اۋرۋحاناعا جاتقىزۋ مەن ءولىم- ءجىتىمنىڭ جوعارى ىقتيمالدىعى بار، ورتا ەسەپپەن بۇل شتامدى ءبىر ادامنان 5-6 ادام جۇقتىرادى»، - دەپ اتاپ ءوتتى ۆەدومستۆونىڭ باسپا ءسوز قىزمەتى.

بۇگىندە قالادا 16 ينفەكتسيالىق ستاتسيونار جۇمىس ىستەيدى. وندا جالپى سانى 3912 توسەك- ورىن بار. نۇر- سۇلتان قالاسى دەنساۋلىق ساقتاۋ باسقارماسىنىڭ مالىمەتتەرىنە سايكەس، ينفەكتسيالىق ستاتسيونارلاردا 2816 ناۋقاس جاتىر، بۇل توسەك- ورىن جۇكتەمەسىنىڭ %72 ىن قۇرايدى. ونىڭ ىشىندە 267 ادام رەانيماتسيا بولىمشەسىندە، وكپەنى جاساندى جەلدەتۋ اپپاراتىنا 45 ادام قوسىلعان. وتكەن تاۋلىكتە عانا قالادا 347 ادام اۋرۋحاناعا جاتقىزىلعان، 313 ناۋقاس شىعارىلدى.

سوڭعى جاڭالىقتار