شوقىنۋ مەيرامى: 1500 دەن استام اقمولالىق سۋعا شومىلدى
ولاردىڭ قاۋىپسىزدىگىن اقمولا وبلىسىندا توتەنشە جاعدايلار دەپارتامەنتى، پوليتسيا، جەرگىلىكتى اتقارۋشى ورگانداردىڭ 100 دەن استام قىزمەتكەرى، دارىگەرلەر شومىلدىرۋ راسىمىنەن ءوتۋ كەزىندە قاۋىپسىزدىكتى قامتاماسىز ەتۋدە، دەپ حابارلايدى قازاقپارات ءتىلشىسى.
اقمولا وبلىستىق توتەنشە جاعدايلار دەپارتامەنتى باسپا ءسوز قىزمەتىنىڭ مالىمەتىنشە، وبلىس اۋماعىندا شوقىنۋ تۇنىندە سۋعا شومىلۋعا ارنالعان 14 ورىن جابدىقتالعان.
ولار ستەپنوگور قالاسىندا، استراحان، اقكول، بۇلاندى، جاقسى، شورتاندى، ەگىندىكول اۋداندارىندا. وبلىستىڭ باسقا اۋداندارىندا، كوكشەتاۋ قالاسىندا ەپيدەميولوگيالىق جاعدايدىڭ كۇردەلىلىگىنە بايلانىستى شومىلۋعا ارنالعان ورىندار قاراستىرىلماعان.
بارلىق شومىلۋ ورىندارىندا قۇتقارۋشىلار، دارىگەرلەر، پوليتسيا جانە جەرگىلىكتى اتقارۋشى ورگاندار قىزمەتكەرلەرى كەزەكشىلىك ەتەدى. جىلىتۋ پۋنكتتەرى قاراستىرىلعان. 19-قاڭتار كۇنى تاڭەرتەڭ 1500 دەن استام اقمولالىق سۋعا شومىلدى.
«توتەنشە جاعدايلار دەپارتامەنتى اقمولا وبلىسىنىڭ تۇرعىندارىن سۋعا شومىلۋ كەزىندە قاۋىپسىزدىك تالاپتارىن ساقتاۋعا شاقىرادى. ءبىرىنشى كەزەكتە، قانداي دا ءبىر اۋرۋى بار بارلىق ازاماتتارعا ءوز ەمدەۋشى دارىگەرىنەن كەڭەس الۋ قاجەت. ويىقتا قابىنۋ جانە جۇرەك- قان تامىرلارى اۋرۋلارى جانە ورتالىق جۇيكە جۇيەسى اۋرۋلارى بار ادامدارعا شومىلۋعا بولمايدى. شومىلعاننان كەيىن گيپوتەرميانى بولدىرماس ءۇشىن وزىڭىزبەن بىرگە ۇلكەن سۇلگى بولۋى كەرەك. سىزگە ىڭعايلى قۇرعاق اۋىستىرىلاتىن كيىم كەرەك، ونى تەز كيۋگە بولادى جانە تەرموسپەن ىستىق شاي الىپ ءجۇرۋ كەرەك ۇسىنىلادى»، - دەدى ۆەدومستۆودان.
اۆتور: اسلان وسپانوۆ