+7 (701) 759 90 19
18 °С : نۇر-سۇلتان
23 °С : الماتى
USD 412.55 EUR 465.73
RUB 5.79 CNY 58.91
جاڭالىقتار

نۇر- سۇلتاندا بالاسى قاراۋسىز تۇندە قىدىرعان 1500 اتا-انا جازالاندى

4 ماۋسىم 20:46
:ءبولىسۋ
نۇر- سۇلتاندا بالاسى قاراۋسىز تۇندە قىدىرعان 1500 اتا-انا جازالاندى

نۇر- سۇلتان. قازاقپارات - جىل باسىنان بەرى ەلوردادا ءجاسوسپىرىم بالالارى تۇنگى كوڭىل كوتەرەتىن ورىنداردا جۇرگەن 1500 اتا- انا اكىمشىلىك جاۋاپكەرشىلىككە تارتىلدى، دەپ حابارلايدى قازاقپارات ءتىلشىسى قالالىق پوليتسيا دەپارتامەنتىنىڭ باسپا ءسوز قىزمەتىنە سىلتەمە جاساپ.

نۇر- سۇلتان قالالىق پ د جەرگىلىكتى پوليتسيا قىزمەتىنىڭ جاسوسپىرىمدەر ءىسى جونىندەگى پوليتسيا بولىمشەسىنىڭ قىزمەتكەرلەرى 3 -ماۋسىم كۇنى ءبىر تاۋلىك ىشىندە عانا تۇندە ۇيىنەن تىس جۇرگەن 70 كە تارتا ءجاسوسپىرىمدى انىقتادى. ولارعا قاتىستى ق ر ا ق ب ج ك 442-بابى 2-بولىگى بويىنشا اكىمشىلىك حاتتاما تولتىرىلعان. سونىمەن قاتار ۆولونتەرلەردىڭ كومەگىمەن قالاداعى كوتتەدجدەردىڭ بىرىندە تۇلەكتەردىڭ مەكتەپ بىتىرگەن كۇنىن تويلاعان فاكتى انىقتالدى. ءتارتىپ ساقشىلارى 15 بالانى اتا- اناسىنا تاپسىرعان.

«ەگەر بالانىڭ ءبىر ءتۇن ۇيىندە بولماعانى انىقتالسا، اتا- اناسىنا الدىمەن ەسكەرتۋ جاسالادى. جاعداي قايتالانسا، ءىس نۇر- سۇلتان قالاسىنىڭ جاسوسپىرىمدەر ءىسى جونىندەگى مامانداندىرىلعان اۋدانارالىق سوتىنا جولدانادى»، - دەپ اتاپ وتەدى پوليتسيا دەپارتامەنتىنەن. پوليتسيا سونىمەن قاتار بۇل ىسكە قاتىستى بالالاردىڭ اتا- انالارى عانا ەمەس، ولاردى كەشكىسىن قابىلداعان كوڭىل كوتەرەتىن ورىن يەلەرى دە جازالاناتىنىن ەسكەرتەدى.

ماسەلەن جىل باسىنان بەرى ويىن- ساۋىق ورىندارىنىڭ 62 يەسىنە قاتىستى ق ر ا ق ب ج ك- ءنىڭ 132-بابى بويىنشا اكىمشىلىك حاتتاما تولتىرىلعان.

نۇر- سۇلتان قالاسىنىڭ پوليتسيا دەپارتامەنتى ساعات 22.00 دەن تاڭعى 06.00 گە دەيىن جاسوسپىرىمدەردىڭ كوڭىل كوتەرەتىن ورىندارىندا بولماۋى كەرەكتىگىن ەسكەرتەدى.



:ءبولىسۋ
پئكئر قالدئرؤ
+7
جئبةرؤ
ونلاين قىزمەتكەرلەر
رەداكتور
باقىتجول كاكەش
باقىتجول كاكەش
954-049
رەداكتور
ريزابەك نۇسىپبەك
ريزابەك نۇسىپبەك
954-049
رەداكتور
بەيسەن سۇلتان
بەيسەن سۇلتان
954-049

مۇراعات