جاستارعا ارنالعان باسپانا: ەلوردادا قۇجات قابىلداۋدىڭ العاشقى ساعاتىندا 1500 دەن استام ادام تىركەلدى

نۇر-سۇلتان. قازاقپارات - بۇگىن نۇر-سۇلتان قالاسىنىڭ جۇمىس ىستەپ جۇرگەن جاستارىنان ساتىپ الۋ قۇقىعىنسىز جالعا بەرىلەتىن تۇرعىنجاي الۋعا وتىنىشتەر قابىلداۋ باستالدى، دەپ حابارلايدى قازاقپارات.

«استانا Innovations»  ا ق- نىڭ باسپا ءسوز حاتشىسى اسەل ءالىمحانوۆا ءوزىنىڭ فەيسبۋك پاراقشاسىندا اتاپ وتكەندەي، تاڭەرتەڭگى ساعات 11.00 دە 1500 دەن استام ادام Smart Astana www.smart.astana.kz سايتىنا كىرىپ ۇلگەردى.

ۇمىتكەرلەرگە 30 دان 45 شارشى مەترگە دەيىن 848 ءبىر بولمەلى جانە جالپى اۋدانى 46 دان 70 شارشى مەترگە دەيىن 202 ەكى بولمەلى پاتەرلەر بەرىلەتىن بولادى. تۇرعىنجاي ساتىپ الۋ قۇقىعىنسىز بەس جىلعا جالعا بەرىلەدى، وعان ايىنا 5-15 مىڭ تەڭگە + كوممۋنالدىق تولەمدەر تولەنەدى.