قوستانايدا ماس جۇرگىزۋشىلەر 15 تاۋلىككە قامالىپ، 8 جىلعا كۋالىكتەرىنەن ايىرىلدى

None
None
قوستاناي. قازاقپارات - ماس كۇيىندە رۋلگە وتىرعان قوستانايلىقتار بىرنەشە جىلعا كولىك جۇرگىزۋ قۇقىعىنان ايىرىلدى، دەپ حابارلايدى قازاقپارات وبلىستىق پوليتسيا دەپارتامەنتىنىڭ باسپا ءسوز قىزمەتىنە سىلتەمە جاساپ.

قوستانايلىق پوليتسيا قىزمەتكەرلەرى «قاۋىپسىز جول» جەدەل-الدىن الۋ ءىس-شاراسى اياسىندا ءبىر كۇن ىشىندە اۆتوكولىكتى ماس كۇيىندە جۇرگىزگەن ءۇش جۇرگىزۋشىنى ۇستادى.

«قوستاناي قالاسىنىڭ التىنسارين كوشەسىندە 34 جاستاعى ەر ادامنىڭ باسقارۋىنداعى «Nissan Teana» اۆتوكولىگى توقتاتىلدى. جۇرگىزۋشىدەن الكوگولدىڭ ءيىسى سەزىلدى. مەديتسينالىق كۋالاندىرۋ الكوگولدەن ماساڭ بولۋدىڭ جەڭىل دارەجەسىن كورسەتتى. قوستاناي قالاسىنىڭ مامانداندىرىلعان اكىمشىلىك سوتى جۇرگىزۋشىنى 7 جىل مەرزىمگە كولىك قۇرالىن باسقارۋ قۇقىعىنان ايىردى. سونداي-اق 15 تاۋلىك مەرزىمگە اكىمشىلىك قاماۋعا الۋ تۋرالى شەشىم شىعاردى»، - دەدى پوليتسيانىڭ باسپا ءسوز حاتشىسى يرينا بەجەنار.

بۇعان قوسا، ەكى كولىك جۇرگىزۋشىسى الكوگول ونىمىنە تەكسەرۋدەن وتۋدەن باس تارتقان.

سوت جۇرگىزۋشىلەردى 8 جىلعا كولىك جۇرگىزۋ قۇقىعىنان ايىرۋ تۋرالى شەشىم قابىلدادى جانە ولار 15 تاۋلىككە قاماۋعا الىندى.

سوڭعى جاڭالىقتار