شيكىزاتتىق ەمەس ەكسپورت كولەمى 15,7 ميلليارد دوللارعا جەتتى
مينيستر وزىنە قاراستى ورگاننىڭ جۇمىسىندا «قاراپايىم زاتتار» ەكونوميكاسىن دامىتۋعا كوپ كوڭىل بولىنگەنىن اتادى.
«سالانى جەڭىلدەتىلگەن نەسيەمەن قامتاماسىز ەتۋ ءۇشىن بولىنگەن 600 ميلليارد تەڭگەنىڭ 400 ميللياردى قايتا وڭدەۋ وندىرىسىنە باعىتتالدى. وسىنىڭ ارقاسىندا ونەركاسىپ تاۋارىن وندىرەتىن 250 نىسان ىسكە قوسىلدى. بۇل تاۋاردىڭ بارلىعىن قازاقستاندىقتار كۇندەلىكتى تۇرمىسىندا پايدالانا باستادى. جەڭىلدەتىلگەن نەسيەلەردىڭ كومەگىمەن 2025 -جىلعا قاراي 16 مىڭ جۇمىس ورنىن اشۋ كوزدەلگەن. وسىلايشا «قاراپايىم زاتتار» ەكونوميكاسىنداعى يمپورتتىڭ ۇلەسىن 59 پايىزدان 37 پايىزعا تۇسىرۋگە بولادى، - دەيدى ول.
رومان سكليار ەكسپورتتىڭ ارتىپ كەلە جاتقانىن دا اتادى. 2018 -جىلى شيكىزاتتىق ەمەس ەكسپورت كولەمى 15,7 ميلليارد دوللارعا جەتكەن.
«قازاقستان وندىرۋشىلەرى 120 ەلگە 800 تاۋار ەكسپورتتايدى. ونىڭ ىشىندە مۇناي، مىرىش، مىس، اليۋمينيي، ۋران سياقتى قازبا بايلىقتارىنان بولەك اككۋمولياتور سياقتى دايىن ونىمدەر دە بار. ال بىرىككەن اراب امىرلىكتەرىنە بال ەكسپورتتاۋ جولعا قويىلدى. قىتايعا ەتپەن بىرگە وتاندىق بالمۇزداق ەكسپورتتاپ كەلەمىز»، - دەدى رومان سكليار.
اۆتور: ەسىمجان ناقتىباي