پروكۋرور «ءتورت اعايىندىلاردىڭ» باسشىسىن 15 جىل 7 ايعا سوتتاۋدى سۇرادى
مەملەكەتتىك ايىپ تاعۋشى ەركىن ءىزباساروۆتى 15 جىل 7 ايعا باس بوستاندىعىنان ايىرۋدى سۇرادى. ونىڭ وڭ قولى، «ءتورت اعايىندى» قىلمىستىق توبىنىڭ مۇشەسى اۋقات قاليەۆكە ق ر ق ك 11- بابىن بۇزعانى ءۇشىن 14 جىلعا باس بوستاندىعىنان ايىرۋدى سۇرادى.
سونداي-اق، قىلمىستىق ءىس بويىنشا بارلىعى 26 سوتتالۋشىعا ايىپ تاعىلدى. 26 سوتتالۋشىنىڭ توعىزى «ءتورت اعايىندى» قىلمىستىق توبىنىڭ بەلسەندى مۇشەلەرى. قالعاندارى كەيبىر كريمينالدىق ارەكەتتەرگە قاتىسقان. ايىپتالۋشىلاردىڭ اراسىندا بۇرىنعى بيلىك وكىلى دە بار. ولاردىڭ قاتارىندا اقتوبە وبلىسى ءى ءى د باستىعىنىڭ ءبىرىنشى ورىنباسارى بولعان راحات احانوۆ تا بار.
ايتا كەتەيىك، سوتتالۋشىلاردىڭ كوبى ءوز ايىپتارىن مويىنداپ، شارتتى جازا بەرۋلەرىن نەمەسە باس بوستاندىعىنان ايىرمايتىن «جەڭىل» باپقا اۋىستىرۋلارىن سۇرادى. ولاردىڭ ءارقايسىسىندا وتباسىلىق جاعدايلارىنا بايلانىستى جەكە سەبەپتەرى تابىلدى.
ال، «ءتورت اعايىندى» قىلمىستىق توبىنىڭ كوشباسشىلارى ءوز كىنالارىن عانا مويىنداماي، جالپى قىلمىستىق توپتىڭ بارىن جوققا شىعارىپ وتىر.
ەسكە سالايىق، توپقا قىلمىستىق كودەكستىڭ «مۇنايدىڭ جانە مۇناي ونىمدەرىنىڭ شىعارىلۋ زاڭدىلىعىن راستايتىن قۇجاتتارسىز ولاردى تاسىمالداۋ، يەمدەنۋ، وتكىزۋ، ساقتاۋ، سونداي-اق مۇنايدى قايتا وڭدەۋ»، «ۇيىمداسقان توپ، قىلمىستىق ۇيىم قۇرۋ جانە ولارعا باسشىلىق ەتۋ، سول سياقتى ولارعا قاتىسۋ» باپتارى بويىنشا ايىپ تاعىلعان ەدى.
قىلمىستىق ءىس بويىنشا بارلىعى 26 سوتتالۋشى بار. ولار: ادايبەك سارسەنوۆ، نۇربولات قايىربايەۆ، ايبەك تىلەۋعازيەۆ، اۋحات قاليەۆ، مۇحانبەت شاۆلەتوۆ، ەركىن ءىزباسار، بولاتبەك بەكەتوۆ، جاندوس اقماعامبەتوۆ، جانگەلدى وتەگەنوۆ، رۋسلان دەرمۇحانوۆ، اماندوس ەسەنعاليەۆ، بەكجان قۇلتايەۆ، نۇرلان نوعايەۆ، ساياسات ءدۇسىپوۆ، سۇلەيمەن سۇگىربايەۆ، مۇرات تۇرجانوۆ، سەرگەي ساۆچەنكو، ءبىرجان امانقۇلوۆ، ەربول تەكتىعۇلوۆ، قايىركەلدى ءىزتۇرعانوۆ، نۇرلىبەك تونتايەۆ، جانات تەكتىعۇلوۆ، كادىرجان پانگەرەي ۇلى، مۇرات قۋانىشيەۆ، راحات احانوۆ، قارتجان قالدىمۇرات.
سوتتالۋشىلار تەمىر مەن بايعانين اۋداندارىنان مۇناي ۇرلاپ، ساتقان. جابىرلەنۋشى تاراپتا «س ن پ س- اقتوبە مۇناي گاز» اق پەن «ساعاز پەترولەۋم» ج ش س بار.