رەسەيدە 15 جاسار قازاق قىزى «ميسس ماسكەۋ-2018» بايقاۋىنىڭ فينالىنا ءوتتى
ءمالىم بولعانداي، دينا تۋعاننان بەرى ماسكەۋ قالاسىندا تۇرادى ەكەن. ونىڭ اناسى ليندا قوجاسايەۆانىڭ ايتۋىنشا، ءوز وتباسىنىڭ قازاقستاننان ەرتەرەكتە كوشىپ بارعان. ول بارعالى جۇرت قاتارلى كۇن كەشكەندەرىن، بالالارى سوندا مەكتەپتە وقىعانىن، ارا-تۇرا الماتىداعى جانە شۋداعى تۋىستارىنا كەلىپ تۇرعانىن ايتادى. ءبىراق قىزىنىڭ بۇل بايقاۋعا قاتىسۋى اياق-استى بولعانىن ايتادى.
«مەنىڭ قۇربىم بار - ول ءوزى ماسكەۋ ءميسى. ول دينانى كورگەن كەزدە بايقاۋعا قاتىس دەپ كەڭەس بەردى. ءبىز ءوتىنىم جولدادىق، كەيىن ءبىزدى شاقىردى. دينا ۇيىمداستىرۋشى كوميسسياعا ۇناعان كورىنەدى. كاستينگ كەزىندە دۋبايداعى جۋرنالداردىڭ ءبىرىنىڭ رەداكتورى بايقاپ قالىپ، تۇسىرىلىمگە شاقىردى»، - دەيدى ليندا قوجاسايەۆا.
قازىر دينا 9-سىنىپتا وقيدى جانە قوسىمشا مۋزىكالىق مەكتەپتە ءبىلىم الادى.
بايقاۋدىڭ فينالى 28- قاراشا كۇنى وتەدى. وندا جەڭىمپاز اتانعان قاتىسۋشى «رەسەي سۇلۋى-2019» ۇلتتىق فەستيۆالىنە قاتىسادى.