+7 (701) 759 90 19
2 °С : نۇر-سۇلتان
8 °С : الماتى
USD 447.60 EUR 489.41
RUB 5.71 CNY 63.05
جاڭالىقتار

قازاقستاندا كامەلەتكە تولماعان 15 بالاسى بار 1 عانا وتباسى بار

17 اقپان 14:15
:ءبولىسۋ
قازاقستاندا كامەلەتكە تولماعان 15 بالاسى بار 1 عانا وتباسى بار

نۇر-سۇلتان. قازاقپارات - قازاقستاندا كامەلەتكە تولماعان 15 بالاسى بار 1 عانا وتباسى بار.

بۇل تۋرالى ق ر ەڭبەك جانە حالىقتى الەۋمەتتىك قورعاۋ ءمينيسترى ءبىرجان نۇرىمبەتوۆ ايتتى، دەپ حابارلايدى قازاقپارات ءتىلشىسى.

«وزدەرىڭىزدە بىلەتىندەي، اتاۋلى الەۋمەتتىك كومەكتى رەفورمالاۋ اياسىندا 2020-جىلدىڭ 1- قاڭتارىنان باستاپ كوپبالالى وتباسىلارعا كىرىستەرىنە قاراماستان جاردەماقى ەنگىزدىك. 4 بالاسى بارلارعا 42500 تەڭگە، ال ودان ارى 7 جانە ودان كوپ بالاسى بار وتباسىنا 74 مىڭ تەڭگە تولەنەدى. ياعني ءبىر بالاعا 10600 تەڭگەدەن بەرىلەدى. كوپبالالى انالارمەن، دەپۋتاتتارمەن تالقىلاۋ بارىسىندا جاردەماقىنى ودان ارى سارالاۋ قاجەت دەگەن ورتاق پىكىرگە كەلدىك. تاياۋ ۋاقىتتا زاڭعا تۇزەتۋلەر ەنگىزەمىز. زاڭ اقپان نە ناۋرىزدا قابىلدانعاننىڭ وزىندە ول وسى جىلدىڭ قاڭتارىنان باستاپ كۇشىنە ەنەدى. ەندىگى ۋاقىتتا 8 بالاسى بارلارعا 74 مىڭ ەمەس شامامەن 85 مىڭ تەڭگە، 9 بالاعا 96 مىڭ، 10 بالاعا 106 مىڭ جانە 15 بالاعا 159 مىڭ تەڭگە بەرىلەدى»، - دەدى مينيستر ۆەدومستۆونىڭ كەڭەيتىلگەن القا وتىرىسىنان كەيىن.

وسى رەتتە مينيستر مۇنداي قادامعا نەلىكتەن بارعاندىقتارىن ءتۇسىندىرىپ بەردى.

«وڭىرلەرگە بارعاندا جاسى كامەلەتكە تولماعان 12 بالاسى بار انا نەلىكتەن 7 بالاسى بار انالارمەن بىردەي جاردەماقى الاتىندىعىن سۇراعان ەدى. سوندىقتان ادىلەتتى بولۋ كەرەك شىعار. ەڭ كوبى 15 بالامەن توقتادىق. بىزدە سولتۇستىك قازاقستان وبلىسىندا كامەلەتتىك جاسقا تولماعان 15 بالاسى بار ءبىر عانا وتباسى بار. 8 جانە ودان دا كوپ بالاسى بار وتباسىلاردىڭ سانى - 2451»، - دەدى ول.


باستى سوزدەر: بيلئك جانة ساياسات,
:ءبولىسۋ
پئكئر قالدئرؤ
+7
جئبةرؤ
ونلاين قىزمەتكەرلەر
رەداكتور
باقىتجول كاكەش
باقىتجول كاكەش
954-049
رەداكتور
ريزابەك نۇسىپبەك
ريزابەك نۇسىپبەك
954-049
رەداكتور
بەيسەن سۇلتان
بەيسەن سۇلتان
954-049

مۇراعات