اقتاۋ دارىگەرلەرى ناۋقاستىڭ اسقازانىنان ۇزىندىعى 15-18 س م ءۇش تەمىر الىپ شىقتى

اقتاۋ. قازاقپارات - ماڭعىستاۋ وبلىستىق اۋرۋحاناسىندا ەندوسكوپيست- دارىگەرلەر تەمىر جۇتىپ قويعان ناۋقاسقا تىلىكسىز وتا جاسادى، دەپ حابارلايدى قازاقپارات.

ماڭعىستاۋ وبلىستىق اۋرۋحاناسى باسپا ءسوز قىزمەتىنىڭ مالىمەتىنشە، 29 جاستاعى ناۋقاس 18 -مامىر كۇنى جەدەل تۇردە اۋرۋحاناعا كەلگەن. سىرقاتتىڭ ءىشىنىڭ جوعارعى بولىگى اۋىرسىنعان. الدىمەن دارىگەرلەر جەدەل تۇردە لابوراتورلى- ينسترۋمەنتالدى زەرتتەۋ جۇرگىزدى.

ءىش قۋىسىنىڭ رەنتگەنوگرافياسى ناتيجەسىندە اسقازاننان بىرنەشە بوگدە زات تابىلدى.

- ناۋقاسقا شۇعىل تۇردە جانسىزداندىرۋ ارقىلى ەندوسكوپيالىق ادىسپەن وتا جاسادىق. ياعني، اۋىز ارقىلى ۆيدەوەزوفاگوگاسترودۋودەوسكوپيا اپپاراتتىڭ كومەگىمەن دەنەدەگى ارتىق زاتتى سىرتقا شىعاردىق. ناۋقاس ىشىنەن ۇزىندىعى 15، 16، 18 س م تەمىر، باسى جوق قاسىق الىندى. ناۋقاستا ەشقانداي اۋىرسىنۋ بولعان جوق. وتا شامامەن جارتى ساعاتقا سوزىلدى. قازىرگى تاڭدا امبۋلاتورلى ەمگە جىبەرىلدى، - دەدى ماڭعىستاۋ وبلىستىق اۋرۋحاناسىنىڭ ەندوسكوپيست- حيرۋرگى باۋىرجان تاناۋوۆ.

ايتا كەتەيىك، اتالعان وپەراتسياعا حيرۋرگ- ەندوسكوپيست ب. تاناۋوۆ، م. تايشىباي جانە انەستەزيولوگ ك. شاديەۆا قاتىستى. مۇنداي وپەراتسيالار م ءا م س باعدارلاماسى اياسىندا تەگىن جۇرگىزىلەدى.

اۆتور: جانات قاپالبايەۆا