+7 (701) 759 90 19
27 °С : نۇر-سۇلتان
29 °С : الماتى
USD 412.55 EUR 465.73
RUB 5.79 CNY 58.91
جاڭالىقتار

قىزىلوردادا 15- ناۋرىزدان بەرى كوروناۆيرۋس انىقتالعان 11 جۇكتى ايەل بوسانعان

30 ماۋسىم 08:55
:ءبولىسۋ
قىزىلوردادا 15- ناۋرىزدان بەرى كوروناۆيرۋس انىقتالعان 11 جۇكتى ايەل بوسانعان

قىزىلوردا. قازاقپارات - قىزىلوردا وبلىستىق پەريناتالدىق ورتالىعىندا سوڭعى توعىز كۇندە كوروناۆيرۋس ينفەكتسياسى انىقتالعان 8 جۇكتى ايەل بوساندى.

بۇل جونىندە ورتالىقتىڭ باس دارىگەرى گۇلنار جۇماشيەۆا ءمالىم ەتتى، دەپ حابارلايدى قازاقپارات ءتىلشىسى.

باس دارىگەردىڭ ايتۋىنشا، 15- ناۋرىزدان بەرى كارانتيندىك شارالاردى ساقتانا وتىرىپ، ورتالىقتا بارلىعى 3074 انا بوسانعان. ونىڭ ىشىندە 11 ايەلدەن COVID -19 دياگنوزى انىقتالدى.

«سوڭعى 9 كۇندە COVID-19 دياگنوزى قويىلعان 8 جۇكتى ايەل بوساندى. ولاردى بوساندىرۋعا اقمارال ءجانابىل، جانار نۇرىمبەتوۆا، اينۇر ءاجىمۇرات، دانا نۇرتازايەۆا، اقبوتا قوڭقابايەۆا سىندى دارىگەر، اكۋشەر-گينەكولوگتار اتسالىستى. ال اكۋشەرلەر ايگەرىم ەڭسەپبايەۆا، عالىمجان قۇدايبەرگەن دە بۇل باعىتتا كوپ جۇمىس اتقاردى. ودان كەيىن نارەستەنىڭ جاعدايىن قاداعالاۋعا راۋشان بالتايەۆا، ماقپال كەرەيتباي قىزى، شىنار قاسىموۆا نەوناتولوگتار، مەيىربيكەلەر قاتىستى.

انا مەن بالانىڭ قاۋىپسىزدىگى مەن ىندەتتىڭ الدىن الۋ ءۇشىن ماڭىزدى شەشىمدەر قابىلدانىپ، ءتيىستى شارالار دەر كەزىندە اتقارىلۋدا. وسىعان سايكەس ورتالىقتا كارانتيندىك شەكتەۋلەر قاتاڭ ساقتالىپ جاتىر. ورتالىقتىڭ ەكى عيماراتىندا دا ناۋقاستاردىڭ كۇندەلىكتى COVID-19 اۋرۋىنا كۇدىكتى ناۋقاستارمەن بايلانىسىن بولدىرماۋ ماقساتىندا فيلتريزولياتور قىزمەتى جالعاسىپ، ەكىنشى عيماراتىمىزدا پروۆيزورلىق ستاتسيونار قايتادان اشىلدى. قازىرگى تاڭدا ورتالىقتىڭ پروۆيزورلىق ستاتسيونارى بارلىق قۇرال- جابدىقتارمەن جانە ءدارى- دارمەكتەرمەن، جەكە قورعانىش قۇرالدارىمەن قامتىلعان»، - دەدى ورتالىقتىڭ باس دارىگەرى.

ونىڭ ايتۋىنشا، جالپى وبلىستىق پەريناتالدىق ورتالىعىندا 620 قىزمەتكەر جۇمىس ىستەيدى. ولاردىڭ 35-40 پايىزعا جۋىعى جاستار. پاندەميا كەزىندە ومىرلەرىن قاۋىپكە تىگىپ، قىزمەت ىستەگەن ماماندارىمىز مەملەكەت تاراپىنان قولداۋ تاپتى.

دارىگەرلەر، اكۋشەر، مەيىربيكە، تازالىقشىلارىمىزعا پروۆيزورلىق ستاتسيوناردان ۇستەماقى تولەنىپ وتىر.

ەستەرىڭىزگە سالا كەتەلىك، 27- ماۋسىمنان قىزىلوردا قالاسىندا كارانتين كۇشەيتىلدى.


:ءبولىسۋ
پئكئر قالدئرؤ
+7
جئبةرؤ
ونلاين قىزمەتكەرلەر
رەداكتور
باقىتجول كاكەش
باقىتجول كاكەش
954-049
رەداكتور
ريزابەك نۇسىپبەك
ريزابەك نۇسىپبەك
954-049
رەداكتور
بەيسەن سۇلتان
بەيسەن سۇلتان
954-049

مۇراعات