قازاقستاندىق 14 جاسار تەننيسشى ءۇندىستاندا وتكەن جارىستىڭ ابسوليۋتتى چەمپيونى اتاندى

None
استانا. قازاقپارات - قازاقستاندىق اريانا گوگۋلينا ءۇندىستاننىڭ گۋرگاون قالاسىندا 18 جاسقا دەيىنگىلەر اراسىندا ITF Juniors World Tennis Tour سەرياسىندا وتكەن جارىستىڭ ابسوليۋتتى چەمپيونى اتاندى، دەپ حابارلايدى قازاقپارات ءتىلشىسى.

قازاقستان تەننيس فەدەراتسياسىنان ءمالىم ەتكەنىندەي، مۋككام ەرماتوۆ باپتايتىن 14 جاسار قازاقستاندىق سپورتشى ءۇندىستاندا تەڭدەسسىز ونەر كورسەتتى.

استاناداعى ۇلتتىق تەننيس ورتالىعىنىڭ تۇلەگى جەكەلەي سىندا فينالدا ءۇندىستاندىق سپورتشىنى ۇتتى. ءبىرىنشى پارتيا 6:2 ەسەبىمەن اياقتالسا، ەكىنشىسىندە قارسىلاسى باسەكەنى جالعاستىرۋدان باس تارتتى.

گوگۋلينا فينالعا دەيىن 7 ويىندا جەرگىلىكتى تەننيسشىلەردى، سونىڭ ىشىندە دودانىڭ ءبىرىنشى راكەتكاسىن تىزە بۇكتىردى.

جۇپتىق سىندا سوڭعى باسەكەدە تەك قازاقستاندىق تەننيسشىلەر باس جۇلدەنى ساراپقا سالدى.

اريانا البينا كاكەنوۆامەن بىرگە ءساتيما تورەگەن - اناستاسيا كرىمكوۆادان ايلاسىن اسىردى - 6:1، 6:2.

وسىلايشا، اريانا ITF Juniors جارىسىندا العاشقى قوس تابىسىنا قول جەتكىزدى.

ەسكە سالا كەتەيىك، بۇدان بۇرىن جىبەك قۇلامبايەۆانىڭ استاناداعى جارىستىڭ فينالىنا شىعا الماعانىن جازعان بولاتىنبىز.

سوڭعى جاڭالىقتار