اقمولادا 14 جاسقا دەيىنگى بالالار اراسىندا كوروناۆيرۋس جۇقتىرۋ وسكەن
الايدا، 14 جاسقا دەيىنگى بالالار اراسىندا COVID-19 جاعدايلارىنىڭ ءوسۋى بايقالادى. بۇل تۋرالى جۋرناليستەرمەن وتكەن بريفينگىدە اقمولا وبلىستىق سانيتارلىق-ەپيدەميولوگيالىق باقىلاۋ دەپارتامەنتىنىڭ باسشىسى ايناگۇل مۋسينا مالىمەت ەتتى، دەپ حابارلايدى قازاقپارات ءتىلشىسى.
ءوڭىردىڭ باس مەملەكەتتىك سانيتارلىق دارىگەرىنىڭ ايتۋىنشا، قازان ايىندا 13 بالا اۋىرىپ قالدى، بۇل ناۋقاستاردىڭ جالپى سانىنىڭ 12,7 پايىزىن قۇرادى، قاراشادا-12 بالا (12,4 پايىز)، جەلتوقساندا 9 بالا، بارلىق جاعدايلاردىڭ ۇلەس سالماعى 29 پايىز بولدى. جەلتوقسان ايىندا COVID-19-دىڭ 38 جاعدايى تىركەلدى، سوڭعى اپتادا 4 جاعدايدىڭ ءوسۋى بايقالدى، ونىڭ 95 پايىزى سيمپتوماتيكالىق، 5 پايىزى اسيمپتوماتيكالىق.
وسى رەتتە، ناۋقاستاردىڭ ەڭ كوپ پايىزى قاجەتتى يممۋنيتەتى جوق ادامداردا - 76,9 پايىز (197 ادام)، ونىڭ ىشىندە ۆاكتسيناتسيالانباعانداردا - 48,4 پايىز (124 ادام)، ۋاقتىلى ريەۆاكسيناتسيا الماعانداردا - 8,5 پايىز (73 ادام) بولدى. قازان ايىندا اۋىرعانداردىڭ 119 ى، ونىڭ 57 ءسى (47,8 پايىز) ۆاكسيناتسيالانباعان، 34 ءى (54,8 پايىز) ۋاقتىلى ريەۆاكسيناتسيا الماعان، 91 ءى (76,4 پايىز) يممۋنيتەتى جەتكىلىكسىز. قاراشا ايىندا اۋىرعانداردىڭ 99 ى، ولاردىڭ 46 سى (46,4 پايىز) ۆاكسيناتسيالانباعان، 29 ى (54,7 پايىز) ۋاقتىلى ريەۆاكتسيناتسيا الماعان، 75 ءى (75,7 پايىز) يممۋنيتەتى جەتكىلىكسىز. جەلتوقسان ايىندا اۋىرعانداردىڭ 38 ءى، ونىڭ 21 ءى (55,2 پايىز) ۆاكسيناتسيالانباعان، 10 ى (58,8 پايىز) ۋاقتىلى ريەۆاكسيناتسيا الماعان، 31 ءى (81,5 پايىز) يممۋنيتەتى جەتكىلىكسىز.
«بۇگىنگى تاڭدا وبلىستا كوروناۆيرۋستىق ينفەكتسيانى جۇقتىرعان ناۋقاستاردى اۋرۋحاناعا جاتقىزۋ ءۇشىن 63 توسەك-ورىن جايعاستىرىلدى، 7- جەلتوقسانداعى جاعداي بويىنشا ونىڭ 3 پايىزىنا ناۋقاستار ورنالاستىرىلدى. اۋرۋحاناعا جاتقىزىلعانداردىڭ بارلىعى-3 ادام، ونىڭ ىشىندە بىرەۋى بالا، بىرەۋى جۇكتى ايەل»، - دەدى ءوڭىردىڭ باس مەملەكەتتىك سانيتارلىق دارىگەرى ايناگۇل مۋسينا.
ايتا كەتسەك، اقمولا وبلىسىندا ەكى مەديتسينالىق نىسان پايدالانۋعا بەرىلدى.