+7 (701) 759 90 19
USD 431.07 EUR 485.51
RUB 5.69 CNY 67.47
جاڭالىقتار

بيىل 14 مىڭنان استام ەتنيكالىق قازاق قانداس مارتەبەسىن الدى

12 قازان 08:51
:ءبولىسۋ
بيىل 14 مىڭنان استام ەتنيكالىق قازاق قانداس مارتەبەسىن الدى

نۇر- سۇلتان. قازاقپارات - 2021 -جىلعى 1-قازانداعى جاعداي بويىنشا 14358 ادام تاريحي وتانىمەن تابىسىپ، قانداس مارتەبەسىن الدى.

جالپى العاندا، 1991 -جىلدان بەرى رەسپۋبليكاعا 1 ميلليون 84,7 مىڭ ەتنيكالىق قازاق ورالدى. بۇل تۋرالى قازاقپارات ەڭبەك مينيسترلىگىنە سىلتەمە جاساپ حابارلايدى.

وسى جىلدىڭ باسىنان قانداستاردىڭ جارتىسىنان كوبى % 76,3 قازاقستانعا وزبەكستاننان كەلگەن، %9,4 ى - قىتايدان،%6,4 ى - تۇرىكمەنستاننان،%2,5- ى - موڭعوليادان جانە %5,4 ى باسقا ەلدەردەن كەلگەن.

كەلگەن ەتنيكالىق قازاقتار نەگىزىنەن الماتى %28، ماڭعىستاۋ %19,3، تۇركىستان %13,5 جانە جامبىل %8,1 وبلىستارىنا، سونداي- اق شىمكەنت %10,7 قالاسىنا قونىستاندى.

اعىمداعى جىلعى 1-قازانداعى جاعداي بويىنشا ەڭبەككە قابىلەتتى جاستاعى ەتنيكالىق قونىس اۋدارۋشىلار سانى %55 دى، ەڭبەككە قابىلەتتى جاستان كىشىلەرى %27,9 دى جانە زەينەتكەرلەر %17,1 دى قۇرايدى. ەڭبەككە قابىلەتتى جاستاعى قانداستاردىڭ ىشىنەن ءبىلىم دەڭگەيى بويىنشا %11,1- ىنىڭ جوعارى ءبىلىمى، %39,8- ىنىڭ ورتا كاسىبي ءبىلىمى، %45,5- ىنىڭ جالپى ورتا ءبىلىمى بار جانە %3,6 ىنىڭ ءبىلىمى جوق.

ەتنيكالىق قازاقتاردى مەملەكەتتىك قولداۋ شارالارىمەن قامتاماسىز ەتۋ شەڭبەرىندە جىل سايىن قانداستاردى قابىلداۋدىڭ وڭىرلىك كۆوتاسى بەلگىلەنەدى.

وڭىرلىك كۆوتا شەڭبەرىندە 720 ەتنيكالىق قازاق (اقمولا وبلىسى - 92 ادام، ش ق و - 121 ادام، قوستاناي وبلىسى - 117 ادام، پاۆلودار وبلىسى - 328 ادام جانە سقو - 62 ادام) كوشۋگە سۋبسيديا: وتباسىنىڭ ءاربىر مۇشەسىنە 70 ا ە ك- تەن (204,1 مىڭ تەڭگە) كەلەتىن ءبىرجولعى تولەم الدى، سونداي- اق 12 اي بويى وتباسىنا 15 تەن 30 ا ە ك- كە دەيىنگى (43,7-دەن 87,5 مىڭ تەڭگەگە دەيىنگى) مولشەردە اي سايىنعى تولەم الدى. سونىمەن قاتار، قانداستارعا جەرگىلىكتى اتقارۋشى ورگاندار تۇرعىن ءۇي بەرۋ جانە جۇمىسقا ورنالاستىرۋ بويىنشا قولداۋ كورسەتەدى.


:ءبولىسۋ
سونداي-اق... وقىڭىز
پئكئر قالدئرؤ
+7
جئبةرؤ
ونلاين قىزمەتكەرلەر

مۇراعات